Arşîv                                                                      info@lotikxane.com                                                                                        lotikxane@hotmail.com          

Xecê Omerî

Rastî tahle

Gabar Çiyan

Tirkiye dibe Kurdistan

Adil Dûran

Pepûkên Xwedê

Lokman Polat

´Tevgerek rewşenbîrî

Bavê Ronahî

Gurg kete nav pez

Lezgîn Şêxo

Kor û şeytan

Faris Beg

Beşek ji dîrokê-IV

Selîm Acar

Ez jî M.

Aydogan im

Bavê Felek

Mahşûqê Kurdistanê

Dilsotî

Du serinc

Bavê Welat

Çiqas tevbidî ewqas bîn jê tê

         Metelok:            Gotina xweş têxe devê dijminê xwe lê pariyê xweş têxe devê dostê xwe                     12//02/2007         

Ya starrrrrr ev çi ecêbe? Gilgamiş bû maço!

Serdar Mirad-13/02/07-Amed- Kuro bi namûs xelkê aqilê xwe xwariye bavo. Ji xwe piştî ku nebixêr fikra “azadîya jinên serberdayî” derket holê, yekcar civak serûbinê hev bû û jinan serê hefsêr berda û hey berda. Hûn namînin ecêbmayî, jinên Amedî û endamên partîya DTP radibin li dijî peykerê Qral Gilgamiş derdikevin û naxwazin peykerê wî di parka belediyê de bê çikandin.

   Hûn zanin çima? Jinên DTP çûne cem serok Osman Baydemîr û gotine:”Qral Gilgamiş berî zayînî (berî çêbûna Hz.Îsa) di sedsala 27an de maço bû û li jinan dixist. Em naxwazin peykerê yekî maço li parkê bê çikandin”filan û fîstan.

   De îcar li ecêba Xwedê û li jinên me yên serberdayî binerin! Başe keçko, ma dewleta Tirko jinên Kurd nakuje, dest navêje namûsa wan, wan naherimîne, bi emrê Atatirko çend jnên Kurd hatin kujtin, hûn çima behsa van nakin? Çima hûn li dijî peykerên Atatirko dernakevin sayin xanimên femînîst? Yan ew zirav bi we re tune? Lê hûn gurê Gilgamişê peppûk in ne?

   De îcar yabo destê xwe deyin ser wîjdanê xwe û bêjin: Di welatê ku hîna zilamên Kurd bindestin, wê çawa jinên Kurd azad bin? Ma ev ne derew e? Ûûûûûûûû, bi telaq heta hefsarên mêrên Kurd di destê femînîstan de bin, wan negot xwezî bi îro û hew!

Soranekem lotikek li me xist

Mîr Ronas-12/02/07-Êlih- Rêz û silav gelî xwendevanên Lotikxanê. Welle bi serê min û we, Soranekem lotikek bêîman li Lotikxanê xist û em totlanî hev kirin. Birastî divê em wîjdanê xwe xera nekin û hinekî heq bidin wan jî.

   Yabo welle xebera kekê me Zana ye ku dibêje: „Nîvîyê Kurdên bakur bûne Tirk û bi Tirkî diaxivin“. Gotina rast raste bavê min, wîî! Kuro bi telaqê jinberdanê nîvîyê Kurdên me dev ji zimanê xwe berdane û dane dû şildim bildima zimanê Tirkên bêbav heyran! Bi saya dewletê û serê Apociyên me, serê me li ber Tirkên bêbav hat tewandin û me bi navê bratîya Kurd û Tirkan dev ji zimanê xwe berda.

   Bi namûsa Tirkên kerxana Selanîkê, heta ku yekî „ serTirk û mejîTirk“ di nava tevgera Kurdistanê de hebe, yeka me nebû dudu looooooo!

   Werhasilî kelam, Kurmanc, Soran, Zaza em tev bra ne. Bijî bratîya me, bijî Kurdistan û bijî Lotikxane!

Gul çû heyfa bavê, Buyukanit jî wê qûna dê li ser ke!

Ehmed beyan-12/02/07-Enqere- Hûn zanin, kes wek van Tirkan rûşûştî û bêfedî tunene. Doh bû Wezîrê Derve Abdullah Gul li Amerîkayê lotik û pehînên bêîman xwarin û polîpoşman vegerîya Tirkiyê. Yanî, mêrik çûbû heyfa bavê lê xuyaye qûna xwe jî li ser kir û destvala vegerîya mala xwe.

   Îcar jî Serekerkanê wan Yaşar Buyukanit xurcika kera xwe barkir û berê xwe da Amerîkayê. Dibêjin xwedêgiravî Buyukanit çûye rayedarên Qesra Spî qanih bike, wan bîne ser rêya heqîyê da ku Tirk karibin bi serbestî destê xwe têxin nav doxîna Iraqîyan.

   Werhasil, Wezîrê Derve Abdullah Gul çû heyfa bavê lê xuyaye wê Yaşar Buyukanit jî qûna dê li ser ke û destvala, polîpoşman vegere nav Mehmetçîkên xwe yên qûnbicilik! De oxira wî a Filîtê Quto be rebbî....Çûn hebe veger tunebe....

Qûnekan sûnda mirinê xwar

Emed Kurdîh-11/02/07-Mersîn- Li bajarê Mersînê qûnekên ku xwe wek endamên “Komela Hevkarîya Hêzên Welatperwerên Tirk” dibînin, di komela xwe de destê xwe danîn ser demançe, al û wêneyê Mistoyê Selanîkî û sûnda mirinê xwarin. De ka sûnda wan bixwînin. Kerem bikin:

   “Em li ser Qurana xwe ya pîroz, li ser al û sîlehên xwe sûnd dixwin ku, em ji dê û bavên Tirk in, Tirkên xalis muxlis in. Di xwîna me de qûnektî û nêr û mêyî tuneye. Em bi endamîya Kuwayî Mîllîye serbilind in. Jibo ku em Tirkan bikin efendîyên dinyayê, jibo paraztina şan û şerefa Tirkên dinyayê, em bi namûs û şerefa xwe şûnd dixwin”.

   Hûn dibînin ne gelî xwendevanan? Ji dê û bavên xalis muxlis Tirk? De îcar telaqê xwe bavêjin û rastîyê bêjin: We xalis muxlis Tirk dîtine? Ka Kurd, Laz, Çerkez, Arnawût, Bûlgar, Bosnayî. Pondûs, Ereb, Rûm, Qereçî, û hezar jehr û ziqûmên din ji nav wan derxin, çend Tirk dimînin hûn zanin? 000000000! Qûnekan dixwazin tuxmekî wek tuxmê Asena û qantirên ku dêya wan bergîl û bavê wan ker e bikin efendîyên dinyayê. De îcar yabo! Qantir û efendîtîya dinyayê?

   Ya starrrrrrrrr ji derdê van qantirên Xwedê ya starrrr!   

Dinya ji Nîcolkê re jî nema. Weleddd!

Şemal Amedî-10/02707-Hollywood- Erê dinyayê... Çi dinyayek derewîn e, bêxêr e, bê wîjdan e, wax liminnnnnn! Dibêjin:”Dinya ji Hazretî Silêman re jî nemaye”. Îcar xuyaye wê ev dinya xweş û fanî ji kesî re nemîne.

   Lotikvana bedew, lîztikvana seksî û memikpênckîlo Anna Nîcole Smîth ji nişkê ve mir û berê xwe da cehnemê. Gerçî kes nizane ewê here bihuştê yan cehnemê jî, lê li gor tê gotin, wê Anna Nîcole Smîth ji sedî sed silavekê bide zebanîyên cehnemê û belkî çend lotikan bi wan re bavêje derûdorê.

   Dibêjin Anna Nîcole Smîth xanim di xortanîya xwe de dilê gellek kurê bavan şewitandibû. Bêbavê lihevhatî, bi bejn û bal, seksî û laşê wê wek goştê mirîşkan xweş bû. Werhasil, dinya ji kesî re namîne. Dinya ji yekî wek Saddamê qûnek re nema îcar ma wê ji Nîcolkê re bimîne, tewww! Lê çi fêde Kurdekî biaqil bazneda ser wê, ax gidîîîî........

Sermezino tifa xwe alast

Ehmed Beyan-09/02/08-Enqere-Koordînatorê PKK ê Tirkiyê Başer tifa xwe alast û li gotinên xwe poşman bû. Başerê sermezin berê digot:”We go serokên Kurdan? Tewwww! Kuro ez gû jî bixwim ez bi wan re nayêm ser maseyekê, wîî! Ezê çawa ji serokeşîran re bêjim selamunaleykum!” filan û fîstan. Erê lawo, erê sermezino, te dît bê çawa zor gîzerê radike ne wilo? Yaaaa! Destê ku meriv nikaribe bixe meriv rasdimîse cîgerîm!

   Werhasil, îcar niha jî sermezinê Başer dibêje:”Hevdîtina bi serokên Kurdan re  ne xetek sor e. Heger fêda xebatê têde hebe em karin hevdu bibînin” filan û bêvan. Yaaa! Gotinek me Kurdan heye dibêjin: “Filankeso hîna gunikreş di ser xwe re nedîtine”  

   Îcar sayin Tirkoler, bi telaqê bê fitû we “çavên zer di nava kayê de dîtin” yawrûlarim. We talîya talî fêhm kir ku heta hûn nerin ber lingên Kurdên gunikreş, hûnê bi serbestî nikaribin di afir de avê vexwin. Rayedarên dewleta Tirk heta niha qet qebûl nedikirin ku bi serokên Kurdan re rûnên û wan qebûl bikin. Lê ji gotina Başer jî dixuye ku êdî dewleta Tirk ciddîyeta meselê û giranîya serokên Kurdan fêhm kirine. De ser xêrê be rebbî...

Wey ser xêrê be rebbî!

Şîndar Berwarî-08/02/07-Dihok- Dibêjin li Dihokê li ser daxwaza hikûmeta herêma Kurdistanê 52 diz û çeqel hatine girtin û lotik li wan ketine. Li gor agahîyan,52 kesên ku di beledîya Dihokê de dixebitîn, beşdarî bêdadî, dizî û gendelîyên cûrbecûr bûne û bêrîkên xwe bi dolaran dagirtine. Her 52 kes li ser biryara mehkema Dihokê hatine binçavkirin.

   Serokê Mehkema Dihokê Ebdulezîz Ehmed ragihand ku piranîya van diz û keleşan xebatkarên beledîyê ne û beşdarî gellek bêdadî, dizî û bertîlxwarinê bûne.

   Werhasil, xuyaye hikûmeta herêma Kurdistanê zend û bendên xwe hildane û dest bi paqijkirina dizên Kurdistanê kirine. Lê nexuyaye ka ewê kengî xwe bighînin serekdizên ku di dezgehên bilind de lotikan davêjin. De ya bi xêr..Helbet rojekê wê lotikên bêîman li wan jî kevin...

Wê perê zinêkarîya xwe bibexşîne, wey maşelle!

Şemal Amedî-07/02/07-Hollywood- Lotikvana navdar Carmen Elektra dibe xêrxwaz û dilbirehm. Carmen Elektra ku stêra seks û lotikvanîyê ye, dixwaze perê ku ji flîmê wê yê seksê bê li feqîr û belengazan belav bike.

   Li gora ku çapemenîya Amerîkî dibêje, dibêjin wê Carmen xanim flîmekî seksê bikşîne ku heta niha flîmên wilo nehatine dîtin. Wê di flîmê xwe de ji agirê cehnemê germtir bibe û zilaman têxe dora tenûrê. Li ser bextê xelkê be, dibêjin heta niha Elektra xanim di ser 2500 zilamî re derbas bûye, hestîyên wan şikenandiye û tir ji wan berdaye. Dîsa li ser bextê xelkê be, dibêjin perên ku ji flîmên seksê belav bibin xêr û bereketek mezin têde heye û dibe ku bi vê xêra xwe Carmen xanim here bihuştê jî.

Werhasil, ma emê çima derewan bikin, bi Xwedê heger çend dolarên wê bigihên me ji xwe jinik bihuştî ye, yan na zebanîyên cehnemê li bendî wê ne û hew!

Kûçik û gur rabûn hev

Ehmed Beyan-07/02/07-Enqere- Me digot qey „Kûçik goştê kûçik naxwe“. Lê xuyaye gava kûçik birçî dibin û berberîya serokatîyê dikeve holê, karin hevdu bidirin û car caran lotikan jî bavêjin hev. Werhasil, niha li Tirkiyê berberî û qayîşek mezin di navbera herdu partîyên kûçik (MHP û BBP) de heye.

   Berî çend rojan çend kevnecewrên MHP dev ji partîya xwe berdan û derbasî nav refên cewrikên BBP bûn. Li ser vê bûyerê, serokê BBP û qûnekê ji dola Asenayê Muhsîn Yazicioglû xwe nepixand û got: „Aha! Me digot gur û kûçikên esîl em in kesî bawer nedikir. De binerin bê çawa cewrên MHP derbasî nav cewrikên me dibin“ filan û fîstan.

   Werhasil, halîhazir cewrik û mewrik, gur û kûçikên nîjadperestên Tirk bi lotik û pehînan rabûne hevdu. Xwedê bikim yek bi kêr be yek bi penîr. Ma ka jê xweştir?

Qedrê pisîkan ji yê mêran bilindtire

Rozê-06/02/07-London- Erê kuro, li Brîtanyayê derket holê ku jinên Brîtanî pisîkên xwe ji mêrên xwe qedirşînastir digrin ê zêdetir ji wan hezdikin.

   Li gora lêkolîn û ceribandina ku li ser jinan hatiye kirin, gava jin pisîkê himbêz dikin, dilê wan zêdetir û xurttir lêdixe. Lê gava mêran himbêz dikin dilê wan normal û sisto-misto lêdixe. Lêkolîn ji alî Psîkolog Dr.Davîd Lewîs ve hat çêkirin û rebeno jî ji encamên lêkolîna xwe ecêbmayî ma, şaşo-maşo bû û ji qehran re dilê wî sekinî.

   Werhasil, dibêjin wê jinên Brîtanî di pêşerojê de êdî bi pisîkan re bizewicin û nema li ber lotikên zilaman digerin. 

Weyle ku xêr û bereket ji nav nigên xwe nedîtiyê!

Farûqê Devliken-05/02/07-Mêrdîn-Hunerqûneka Tirk Bulent Ersoy jî lotikek da xwe û xwe lê qewimand…

Got: “El hemdurullah ez misilman im û bi Tirkbûna xwe jî serbilind im. Ku bimrim û di nav destên melayekî ciwan û lihevhatî bêm şuştin û heta bi tilîyên wî yî nermik û xweşik ji ser hişê xwe herim jî, nabêjim, “Ez Ermenî me!...””

   Weyle ku bi gulîyên xwe ve daliqîyayê!

   Weyle ku xêr û bereket ji nav nigên xwe nedîtyê!

   Weyle ku bi emrê xwedê xiyarê wê dîsa   pê ve şîn hatê!(Dewana nivîsê wêne bitikînin)

Ka pisîkên berê..

Narîn Remo-05/02/07-Holland-Ka pisîkên berê û ka ên niha, sed heyf û mexabin ku pisîk jî nema wek pisîkên berê ne. Berê kurdan digotin; pisîk ne li mal e mişk Ebdirehman e, mexabin ku ev metelok nema wateya xwe dide, îca niha mişk bi simbêlên pisîkan dilîzin û pisîk newêre bê vit, ma ev ne nîşanek ji nîşanên qiyametêye?, ha ev in mişk û pisîkên dema Globalîzmê, her tişt tê guhertin û wek xwe namîne.

   Berê ji tirsa pisîkan re mişkan newêrîbûn serê xwe ji qula derxînin, îca niha mişk û pisîk û seh bi hev re li ber Xidirko dîlana kurmancî digrin, jixwe mişk bi serê govendê digre. Dema berê, ku li gundekî pisîkek heba, mişk ji bavê xwe bûn ku serê xwe derxînin. Diyare rola pisîkê bi demê re tê guhertin, wek çilo rola boqê simbêlan tê guhertin, niha îca merov pisîkan ji bo lîsk û wensê xwedî dikin.

   Hun dibînin çawa mişk boqê simbêlên pisîkê dicû, erê..erê dinyayê, sed heyf û mexabin ku pisîk nema pisîkên berê ne, wek çilo zilam nema zilamên berê ne, heyfa boqê simbêla..jixwe berê kurdan digotin; simbêlê pisîkan jî hene. 

Kes nedît bi darekê re zewicî

Tara Han-05/02/07-New Delhî- Ya rebbî tu kesekî şaş neki û hew. Carna meriv li hinek tore û adetên milletên dinyayê ecêbmayî dimîne lo. De binerin bê lîztikvan û lotikvana sînemaya Hindî Aîşwarya Raî çi kiriye.

   Li gora xebera rojnama Telegraphê, stêra sînema Hindî Aîşwara Raî jibo ku pirsgirêkên navbera xwe û sozdarê (dergistî-destgirtî) xwe Abhîşek Bachchan ji holê rake, rabûye li gor tore û adetên Hindû ”Zewaca Darê” pêkanîye û bi emrê Xwedê û qewlê Pêxember bi darê re zewicîye. Dibêjin herdu lotikvan ji burca (remla) ”Manglik” bûne û Xwedêgiravî hava du kes ji heman burcê bin, karê wan rast nameşe. Îcar li gora kevnebawerîyên Hindû jinên ku ji burca Manglik in, bi seremonîya ”Kumbh vîvah” bi dara ku sembola Xwedayekî wan ”Xweda Vîşnu” ye, re dizewicin.

   Werhasil, xanimê kes nedît rabû bi darekê re zewicî, hem jî darek qirase! Li Hindistanê gellek adetên ecêb hene. Hinek bi maran re dizewicin, hinek bi pisîkan re, hinek bi mirîşkan re û hinek jî bi dûpişkan re. Ji xwe dibêjin, kesên ku bi ker û qantiran re dizewicin Xwedê bi çewalan xêr û bereketê bi ser wan de dibarîne allahwekîl!

Yan bibe yan nebe, ev çi virte virta te ye!

Ebû Kurdo-02/02/07-Bahreyn- Wek hûn zanin, lotikvanê reş û spî, zinêkarê zarokan Michael Jackson hingî serûçavê xwe emelîyat dike û xwe spî dike, bûye wek kêça firkandî û tir têde nemane. Jacksonê ku berê reşik bû û ji bêşexsîyetîya xwe xwe spî kir û xwe kir kirasê Amerîkanîyên çerm spî, gellek caran navê wî wek “zinêkarê zarokan” jî derket.

   Werhasil, brayê wî Jermaîne Jackson ê ku li Bahreynê bûye misilman û di nav livîna prensê Bahreynê de dijî, bang li brayê xwe Mîckael Jackson kiriye ku rojek berî rojekê bibe misilman da ku ji wan qal û qultên zinêkarîya zarokan xelas be. Jermaîne Jackson dibêje: “Heta Mîchael nebe misilman wê her li dû zarok marokan bigere û dibe ku xwe jî li ser bike” filan û bêvan.

   Werhasil, ji zû de ye tê gotin ku niyeta Mîchael heye bibe misilman lê xuyaye hîna ji zinêkarîya zarokan têr nexwariye. Kengî ku fîşekên wî neman îcar wê çefî û egalekê bide serê xwe û bibe misilman. Yanî, heta xêr têde hebe nabe misilman. Kengî go tir têde neman, îcar wê berê xwe bide hecê û bibe Hecî Mîchael Jackson! De ne ser xêrê be rebbî....

Mîss Amerîka 2007

Şemal Amedî-02/02/07-Las Vegas- Belê, Mîss Amerîka hat hilbijartin û Amerîkî ji vê belê jî xelas bûn. Di pêşbirka ku li Eyaleta Nevadayê hat çêkirin de, bedewa Oklahomayê Lauren Nelson bû Mîss Amerîka 2007 û tac da serê xwe. Niha xelk meraq dikin ka gelo wê ev Mîss Amerîka jî wek a berê alkolîst û serxweş be yan na ?

   Werhasil, me xwe bi telefonê gihand Mîss Amerîka Lauren Nelson û me jê pirsî : »Xanim Lauren, pîroz û bimbarek be rebbî. Gelo wê ji îro û pêde navbera te û lotikvanîyê çawa be ? Ma navbera te û Serok Bûşh başe yan na ? »

   Ewê jî devlikenî bersiv da: Ooo, thank you Lotikxane..Kêfa min li cî ye, ne li erdê me ne li ezmên. Bi serê we lotikvanan Xwedê da min û hew! Ezê ji îro û pêde dest bi lotikên Amerîkî bikim û çend qirûşan bidim ser hev. Mavbera min û Serok Bûşh hîna germ nebûye. Bi xêr kengî ku me jî wek Bîll Clînton û Monîka Lewînsky lotik li hev xistin, wê kifş bibe ka tir tê de mane yan na“ filan û fîstan. 

   Werhasil, Xwedê bi elb û çewalan da Mîss Lauren Nelsonê û hew…Em nizanin wê kengî li başûrê Kurdistanê dest bi pêşbirka „Mîss Kurdistan“ bikin.

"Tirk zexel û qumarçî ne!”

Zinar Qelemşûr-01/02/07-Stenbol- Xuyaye car caran wîjdanê hinek ji ronakbîr û xwendayên Tirk dijene û êdî nema karin tehamulî derewan bikin. Berî çend salan nivîskar Azîz Nesîn gotibû: “Ji sedî 80 Tirkan ehmeq û dîn in”. Piştre çend kesên din jî derketin û lotik li milletê xwe xistin û hinek rastî gotin. Niha jî Midurê Seraya Topkapiyê, nivîskar-dîrokzan Prof.Dr. Îlber Ortayli dilê xwe rehet kir û lotikek li Tirkan xist.

   Îlber Ortayli di konferanseksê de got: “Navê Tirkiyê ne ji alî Tirkan ve hatiye lêkirin. Ev nav cara pêşîn ji alî bazirganên Îtalî ve wek “Tirkiye-Turkmenya” hatiye gotin û hetanî îro hatiye. Ji alîyê din milletê me yê Tirk milletekî zexel (tembel-betlan) e, nizane xwendin çiye, ji xwendinê heznake, îş û karê wan di çayxane û kolanan de bi qelemaçan (lîztika kaxezan) bilîzin û wek serserîyan bigerin” filan û fîstan. 

   Kuro bi telaqê jinberdanê lotika te di ciyê xwe de ye qurban, her bijî! Ma Tirk û xwendin çi ji hevre dibêjin? Birastî di şûna peykerên Atatirk de divê peykerên kesên mîna te û Azîz Nesîn bihatana çikandin.  

Lotikek din li Tirkan ket

Tacdîn Baran-31/01/2007-Almanya- Van deman Tirk ji lotikan xelas nabin. Ji herçar alîyên xwe lotik û mîkutan dixwin û bûne wek golikê beş.Niha jî Euromînorîty.eu lotikek bêîman li wan xist û wek mirîşka gêj li dora hev zîzikandin.

   Malpera Euromînorîty.eu bakurê Kurdistanê jî xist nav 100 neteweyên Ewrûpayê û hema bêjin xincerek li ser dilê Tirkan xistin. Tirk bi êşa vê xincerê dest bi tir û fisan kirin û bû vîzvîja qûna wan. Tirkan herçiqasî ji Yekîtîya Ewrûpayê sedema vê yekê xwest jî, lê rayedarên YE ji Tirkan re gotin: ”De herin lannnn! Ew rêxistinek serbixwe ye, lotikan li kê xe bi qîma xwe ye” û daw û delinga Tirkan li serê wan pêçan. 

   Weleddddd, weleddddd! Bi telaq, pelûla ku bi serê Tirkan de rijiyaye bi serê tu ebdê Xwedê de ne rijiyaye û hew! De ser xêrê be rebbî.....

Serok Bûşh serê hefsêr berda

Hesen Almas-31/01/07-Waşîngton- Serok Bûşh di daxuyanîya xwe ya di Radyoya Xelkê de lotikên xweş li Îranê xistin û bala Ehmedînejad kişand, mîkutek li serê wî xist.

   Bûşh di axaftina xwe de got:“Ez ji Ehmedo hatime hetanî qirikê. Heger Îran li Iraqê çalakîyên xwe yên eskerî bidomîne emê bêdeng nemînin û serê wî têxin ciyakî minasib. Ji xwe ez li mahneyekê digerim, de Xwedo ku ez xeletîyek Îranîyan bibînim“ filan û bêvan.

   Amerîkîyan li Iraqê zixtên li ser Îranîyan zêdetir kirine. Êdî ew bê hisiyaye ku heta Îranî dest û lingên xwe ji Iraqê nekşînin, ewê rehetî ji Amerîkî û Iraqîyan re tunebe. De Xwedê bikim yek bi kêr be yek bi penîr be.

   Herin dîrokê bixwînin. Yek ji wan milletên ku herî bêbext û nankor in Îranî ne allahwekîl! Îcar hema ku we silavek jî da yekî Îranî, divê hûn deh carî vegerin û li paş xwe binerin. Ji me gotin…..

Lotik li Tirkan xistin û berê xwe dan Iraqê

Polat Erdem-30/01/07-Marmarîs-Berî çend rojan qeflek eskerên Amerîkî (Conî) hatin Marmarîsê û keç û jinên Tirkan dan ber lotik û cotikên xwe. Me Conî X di ser jinek Tirk de girt û wêneyê wî kişand.

   Gava Conî X çav li me ket got:"Ahaaa, you are from Lotikxane haa?" û kêfa xwe anî. Gava dît ku xelasî ji destê me tune, îcar rabû jinika Tirk bi xwe ve zeliqand û got: "De bikşînin bavê min bikşînin..Dinya mirine, dibe em li Iraqê nikaribin lotikên azadîyê bavêjin, qe nebe em heyfa xwe ji Tirkan hilînin baba, wîî" û pişta jinika Tirk firkand. 

  Werhasil, bila oxira wan ya xêrê be rebbî..Ha lotik li terorîstên Ereb xistin û ha pişta jinên Tirk firkandin, herdu jî pîroz û bimbareke allahwekîl!

Qumar hem jî çawa qumar!

Şêrzad Zebarî-30/01/07- Hewlêr- Dibêjin pismamê me Wezîrê Derve yê Iraqê Hoşyar Zebarî ji ajansa AP re gotiye:”Bila dewletên cîranên Iraqê bi Iraqê re qumarê nelîzin, yan na kêr gihaye hestî, pêlên vî agirî wê wan jî bişewitîne, agir bi delinga wan xe û Xwedê zane bê wê kî ji wan dewletan qûnek bibe”. 

   Xuyaye Zebarî di axavtina xwe de konsantre û germ bûye û hema gotiye: “De fersend ev fersende, ezê ya dilê xwe bêjim hema di ku re zirav bû bila di wir re biqete” û dewam kiriye:”Xwedê neke heger Iraq parçe bibe yan jî bisernekeve, xetera ku ew wek şorba nîskê bifûre û pêlên vê şorba germ derbasî welatê wan jî bibe heye. Ji ber wê jî serê me xeranekin û nehêlin em simbêlên xwe babidin” filan û bêvan.

   Yaaaaa! Hûn dibînin bê pismamê me çawa zirtan li dewletên cîran dike û lotikên bêîman li wan dixe ne? Lê me tiştek fêhm nekir yabo?  Çima “Heger Xwedê neke Iraq parçe bibe?”  Kuro Xwedê bikim kevir li ser kevir nemîne, wey! Ma we dîtiye ku xêr ji Tirk, Ereb û Eceman hatiye bavê min? Na! Bi namûs te hertişt xweş got, lê vê gotinka “Heger Xwedê neke Iraq parçe bibe” hertişt kir çirik û virik. Bêhn pêxist bêhn! mirovperwerin?   

Kerametên keçên Tirk

Sofî Ebdulkerîm-29/01/07-Aydin- Emê niha ji we re hinekî behsa keramet û serpêhatîyên keç û jinên Tirkan bikin. Wek hûn zanin, li Kurdistanê jî ziyaret û darên ku ji alî xelkê ve wek pîroz tên dîtin hene. Yanî, dara mirada! Bi taybet keçên kemlan paçikan pê vedikinm dua dikin ku miradê wan bi cîh bê.

   Îcar xuyaye ev adet li bajarê Aydinê jî heye. Li wir jî ziyaret hene, dara mirada heye û xelk xwe davêjin bext û tora wê darê. Îcar hûn zanin bê keç û jinên vî bajarî çi bi darê vedikin? Derpî û binkirasên xwe! Keç û jinên ku ji xwe re li mêrekî digerin, radibin derpîyên xwe, binkiras û binderpîyên xwe bi darê vedikin da ku xiyarek bê wan bixwaze û kurmê xwe bişkînin.

   Îcar heyran, xêrekê bi xwe bikin û werin van derpî û binkirasên keç û jinên Tirk bidin hev, kurmê wan bişkînin, ma insanetî miriye qurban? Ma Kurd ne mirovperwerin baba?

Min jî bizewicîne Mamo!

      Farûqê Devliken-13/02/07-Mêrdîn-Na mamê min, na; te vê neqlê zir ecêba darê ji binî de birî û xwe jî di bin de hişt.

      Me gişa bi serê te sûnd dixwar; te jî çû bi qûna George Bûsh efendî girt û jinek Emerîqanî ji lawê xwe re xwest.

     Hey malneket, lê ku jin sîxwir be? (Dewama nivîsê wêne bitikînin)

Lehmecûncî Îbo dest bi lotikên siyasî dike

Rojda Aydin-13/02/07-Stenbol- Hunermendê Ruhayî, dengxweşê îsotçî, bazirganê lehmecûnan Îbrahîn Tatli lotikek avêt û got:”Dilê min ji hunermendîyê xeliyaye. Ji xwe piştî vî temenî ez hunermend bim çiye û ne hunermend bim çiye, hêçç! Ez di çavê xelkê de bûme wek golkê nav garanê. Nebixêr piştî min dest bi bazirganîya lehmecûn, dew û mast kir, êdî xelk henekê xwe bi min dikin û dibêjin “kuro lehmecûncî!” Îcar jibo ez vê îmaja xwe biguherim û dîsa bêm ser sêhra erê, divê ez jî wek siyasetmedarên Tirkiyê xwe bavêjim meydana siyaseta derewîn” filan û bêvan.

   Belê, lehmecûncî Îbo bernama xwe jî amade kiriye û dibêje:”Ezê ji Ruhayê wek wekîlê serbixwe têkevim hilbijartinê Îsotçîyên Ruhayî ji min pir hez dikin, ez ji wan re bêjim bimrin wê bimrin. Gava ez bûm wekîl û ketim Lotikxana meclîsê, ezê hewl bidim ku rê li ber anîna zarokên zêde bigrim. Ji xwe hingî zarok li Tirkiyê zêde bûne, bêkar û perîşanin, îcar kaset û CDyên min didizin, kopî dikin û nahêlin ez têr ecîn, lehmecûn û îsotan bixwim. Herî zêde sê zarok bes in!”

   Werhasil, xwezî bi wê rojê ku em ji “Şow” û mowên te, ji zîtirk û tir û fisên te yên Tirkîtîyê xelas bin û hew! Yaaaa! Hûn dibînin bê lehmecûncî Îbo çawa siyaseta dewletê dimeşîne ne? Zarokên zêde kuro? Ew ji Kurdan re dibêje ha. Ji Kurdan re dibêje:”Hûn zêde zarokan tînin, gava ez bûm wekîl ezê zilaman bixesînim û malzarokên jinên Kurd jî jêkim”. Yaaa! Heyla topa qiyametê li nav şeqê te keto rebbî!

Ednan Stêr-12/02/07-Kurdistan-Hûn zanin, bi navê „Newala Kûçikan-Terör“.. dizîya faşîstên Tirk dîsa destpêkir. Ev kûçik sixêfa li Kurdan dikin, Kurdên me jî bêfedî wan temaşe dikin. Hinek Kurdên me jî qaşo wan şikayetî RTUKê dikin.. Yaw babo, ma RTUK çiye û kî ye? Ma ji xwe RTUK  ne sazîya dewleta virqo ye? Wîî!

   Werhasil, xuyaye kûçikên Tirk dîsa wek demên berê bûye ewte ewta wan û direyên. Hûn zanin, di biçûkanîya xwe de kûçikekî min hebu şaredarîyê çû ew bi derzîya harbûnê  kuşt. Ez dibêjim heqê van kûçikên Tirk jî kuştin e. Gerek ev kûçik nekevin televizyonên Kurdistanê û Kurd temaşeyî wan nekin. Ê ku şeref û namûs pêre hebe li wan temaşe nake û rûn li nanê wan naxê.

   Tiştên ku ji alî dewleta Tirko ve hatine çêkirin dixin sûcê gerîlla û pê Kurdan sûcdar û gunehbar dikin. Heger birastî şêrgeleyên „Newala Guran“ xwedî cesaret bin, bila çûbana ev flîm li Kurdistanê çêkirana. De werin haaaa! De werin Kurdistanê vî flîmî bikşînin ey şêrgeleyên „Newala Qehpikan!“ De werin em qûna reş û spî li meydana şer bibînin ey pêxwasên kolanên Stenbolê! Herkes kare „Newala Qehpikan“ li bajarekî mîna Stenbolê bikşîne kurê min!

   Hûn zanin tiştê herî xerab çi ye gelî xwendevanan? Tiştê xerab ev e ku piranîya lîztikvanên „Newala Kûçikan“ bi eslê xwe Kurdên asîmîlebûyî ne. Yanî, kurmê darê ne. Werhasil, xwezî bi wê rojê ku Kurd jî xwe nasbikin û flîmên bi navê „Newala Şêran“ bikşînin û hûn sax!

Anderson Mam Celal da ber Lotikan

Mihemed Soran-12/02707-Silêmanî-Dibêjin rojnamevanê The Guardian Jon Lee Anderson li Bexdayê hevpeyvînek li gel Mam Celal kiriye û dibêje "naskirina wî gelek zehmete, hem hevalê Amerîka, hem hevalê Îranê ye... Ew xwe wek Maoyî dide naskirin, xwedî mal û milkekî mezin e û pirsiye gelo Talabanî kiye?”
Anderson nivîsandiye ku Celal Talabaniyê 73 salî siyasetmedarekî hez ji xwarinên xweş (bi taybet goştê elokan) û puroyên giranbuha dike. Her wiha Anderson dibêje Mam Celal xwedî şexsiyetek guhêrbar e.

   Nivîskar dibêje:”Yabo ma Mam Celal kes nehiştiye ku maç nekiriye wey. Wê rojekê rûyê Coondeleezza Rice maçî bike,roja din rûyê Ehmedînejad maçî bike. Hema bi namûs kî têkeve ber wî heta maçî neke dev ji wan bernade” filan û bêvan.

   Dibêjin siyasetmedarê şiî Muvaffak El Rubayî jî gotiye:” Kes nikare bi Mam Celal bavoooooooo! Mêrik hem Marksîst e, hem misilman e, hem zimanzan e, hem xwarinzan e, wek bilbil ayetên Quranê dixwîne, hetta bi zimanê Elokan jî zane.. Ma kî kare pê?” filan û fîstan. Werhasil, berdewama nivîsê di malpera www.dengebotan.com de bixwînin û hûn sax....

Ji dêrê jî bûn û ji mizgeftê jî

Ednan Stêr-11/02/07-Colemêrg- Wek hûn zanin, şaredarîya Geverê jibo asîîlekirina jinên Kurd dest bi qursên xwendin û nivîsandina zimanê Tirkî kiribû û projeya wan ji alî Yekîtîya Ewrûpayê ve hatibû qebûlkirin. Yekîtîya Ewrûpayê jibo serketina vê projeyê (projeya asmîlekirina jinên Kurd) 63 hezar euro alîkarî da xwedîyên projeyê. Li gora vê projeyê, xwedêgiravî wê 120 keç û jinên Kurd ên di navbera 18-80 salî beşdarî projeyê bibûna û lotikên Tirkîwarî bavêtina.

´  Werhasil, li gora gotin û fesadîyên ser tenûrên Geverê, dibêjin jinên navsere yên ku beşdarî vê qursê bûne, wek mirîşkên gêj li serê wan hatiye. Hem Kurdîya xwe jibîr dikin û hem jî hînî şildim bildima Tirkî nabin. Yanî; rebenên jinên Kurd ku bi sedê salane zimanê Kurmancî paraztine û hetanî bi îro anîne, ji alî zarokên xwe ve tên asîmîlekirin û siyasetmedarên ku qaşo li ser navê Kurdan lotikan davêjin, dibin şirîkê asîmîlekirin û tunekirina zimanê Kurmancî.

   Ê başe lawo, heger birastî hûn dixwazin jinên Kurd hînî xwendin û nivîsandinê bikin, çima hûn qursên zimanê Kurmancî jibo jinên Kurd venakin baba? Yan zimanê dijmin ji we re siviktir û xweştir tê? De herin loooooooo...Bi telaq hûnê xêrê ji xwe nebînin û hew!   

Zinêkarên kevn bûn hêza sêyemîn

Ehmed beyan-11/02/07-Enqere- Li gora lêkolînekê derket holê ku zinêkar, teşqelcî, diz, nijdevan, general û girgirekên polîsên Tirk piştî ku dev ji kar û wezîfa resmî berdidin, îcar şîrketên „Ewlekarî û paraztinê“ vedikin û bi van şîrketan dîsa bêbavîya xwe dewam dikin. Lê bi cil û bergên sivîl.

   Dibêjin piranîya general û polîsên ku destê wan ketiye xwîna bi sedhezaran Kurd, di bin perda van şîrketan de wek „Hêza Sêyemîn a dewletê“ dixebitin û hêza aborî û çekdarîya wan ne kêmî ya artêş û polîsên dewleta Tirk e. Halîhazir hejmara endamên artêşê 665 hezar çekdar, a polîsan 165 hezar, û a van şîrketên ku wek „Şîrketên ewlekarî û paraztinê“ dixebitin jî 200 hezar çekdar in. Ji General Welî Kûçik bigrin, heta bi gellek serokpolîs û serokmeafîyên Tirk bi hevre van şîrketan bi rêve dibin, sazî û dezgehên dewletê kontrol dikin.

   Werhasil, xuyaye ev hêza sêyemîn wê di pêşerojê de bibe hêza duyem û di siyaset û poltîka Tirkiyê de rolek neyînî û bêbavî bilîze. Dibêjin çi mirdar, zinêkar, diz û çeqel hebin, hemi bi van şîrketan re dixebitin.

   Erê lo, îcar gelo emê bi saxî bibînin ku Kurdên me jî bi plan û projeyên mezin hesabê pêşeroja xwe dikin? Herama Xwedê be……  

Carek din derpî jî ji xwe bikin!

Emîn Sêwregî-10/02/07-Bern- Kî kare bextê xwe xera bike û bêje:”Kurd bi pêş nakevin û bi kêrî tiştekî nayên?” Na! Bi namûs Kurd roj bi roj bi pêş dikevin û tirê ji pêşûveçûnê berdidin, wey! Berê xelk û alemê digotin: “Yabo ma ne hevalên PKK çalakîyên terorîstî dikin, otobanan dagîr dikin, li polîsan dixin” filan û bêvan.

   Ê lawo Ewrûpîno! Va rebenan dev ji wan çalakîyên ecêb berdan û modern bûn, ma hûn hîna çi ji wan dixwazin brader? Ma we heta niha dîtiye ku yekî Kurd xwe tazî bike û çalakîyên “Tarzankî” lidarxe? Na! Êêêêê? We Kurd hînî çalakîyên Tarzankî jî kirin, êdî hûn çi ji me dixwazin yaw?

   Başe başe...Bi telaq îcar wê tiştek ji me Kurdan derkeve. Heger Kurd jî xwe tazî bikin û çalakîyên Tarzankî lidarxin, bizanin ku êdî roja qiyametê nêzîk bûye û hûn sax!

   Lê tiştekî ji bîr dikin. Çiye hûn zanin? Hefsarê zilamên Ewrûpî di destê jinên wan de ne, û jinên wan jî heta ji doxînê û jêr de baş kontrol nekin û neecibînin alîkarîya insanan nakin. Îcar bi telaqê jinberdanê, heger van Tarzanên Kurd derpî ji xwe bikirana, xiyar û hêkên xwe pêşkêşî raya giştî ya Ewrûpayê bikirana, wê yekser daxwazên wan bihatana cîh, wîî!

Piştî Kurdan Ingilîzan jî rastî pejirand

Harbûna cinsî piştî 50 î destpêdike

Gabar Çiyan/Lotikxane: 10/02/07-Di wêjeya Kurdan de li ser yar û dostgirtinê hejmarek stiran, helbest, pêkenok û serpêhatî hene. Bi qasî ku tê zanîn û di wan berheman de jî xuyanî dike, kesên xwedî yar û dost, ne mirovên ciwan in. Bêhtir kesên gihiştî ne. Piştî salên 45, 50 î bi sedem an jî bê sedem, har dibin û çavên xwe digerînin. Peyvên wisan ne bê sebeb hatine gotin: ``Gur bi du gepa namire``, ``Agir agirê qûrma ye`` û hwd. Ev rastî ji aliyê Kurdan ve tê zanîn. Ev zanîn pişta xwe dide serpêhatiyên kevn.

   Piştî Kurdan em nizanin bi çend sed salan ji nû ve Ingilîz bi lêkolînekê pê dihisin ku mirov piştî 50 saliya xwe çavên xwe li yar û dostan digerîne. Li ser navê projeya fantaziyên cinsî yê Ingilîzan, lêkolînek berfireh hatiye kirin. Di dawiya vê lêkolîna nû de, lêkolînerê Ingilîz Brett Kahr wilo gotiye: “Jiyana 13 hezar kesan hate raçavkirin. Pirs neman ku nehatine kirin. Derî nema ku me lê neda. Fantazî neman ku me guhê xwe jiwan re bel nekir. Û bi vê lêkolîna berfireh derket holê ku kesên bi ser 50 salî dikeve, bêyî ku mala wî/wê pê bihise çavê xwe li derve digerîne. Hejmara kesên ku li gel tamkirina heyecanek nû ne ji % 30 bêhtir e. Di nav 30-40 saliyan de ev hejmar ji 14 e. Kesên ciwan, bêhtir bi mala xwe ve girêdayî ne. Bi vê diyar dibe ku harbûna kesan piştî 50 î dest pê dike...”

  Haya me ji vê harbûnê hebû. Lê ne bi ecêba van bêbavê Ingilîzan. Li gorî ku li ser tenûran tê qalkirin, mirov pir ditirse ku bi rêya Ingilizên li başûrê welêt, ev nexweşiya wan di nav Kurdan de jî belav bibe. Tê gotin ku heta herdû alî bi dil bin, çi hêz nikare doxîna mirovan bişidîne...

Axir zeman e. Dewir xirab e. Xwedê mirov ji fantaziyên wisan bisitirîne û hew...

Hesabê sûkê û malê li hev derneket

Şemal Amedî-09/02/07- New York- Wezîrê Derve yê Tirkiyê Abdullah Gul lotik li ser lotikê dixwe û pelûla Amerîkî bi serê wî de dirije. Abdullah Gul di vê serdana xwe ya dawîyê de bi taybet jibo “derbasbûna başûrê Kurdistanê û pirsgirêka Kerkûkê” hat Amerîkayê.

   Gul hêvî dikir ku wê alîkarî û piştgirîyek mezin ji rayedarên Amerîkî û partîyên wan bistîne. Lê xuyaye hesabê sûkê û malê li hev derneket û rebenê Gul wek pisîka bin baranê hat serê wî. Wezîra çîkolatayî, seksî û xwîngerm Condoleeezza Rice da zanîn ku, divê Tirkiye di pirsgirêka PKK de metod û awayên eskerî bikarneyne û gava xwe li gor doûeka xwe dirêj bike. Rice herweha dîsa da zanîn ku ew derbasbûna Tirkan a başûrê Kurdistanê qebûl nakin û heger hat û qewimî ewê dîsa çewalan têxin serê Tirkan.

   Ji alîyê din piştî ku Abdullah Gul hêvîşikestî bû îcar xwest bi Seroka Meclîsa Nûneran a ji Partîya Demokratan Nancy Pelosî bibîne û derdê xwe jê re bêje. Lê Nancy Pelosî alîgirê pejirandina qirkirina Ermenîyane û ji Tirkan hez nake. Ji ber vê jî wê lotikek Amerîkî li Abdullah efendî xist û hişt ku dengê tira wî di Tirkiyê re derkeve. Ez serê we neêşînim, pelûlek germ bi serê Abdullah Gul de rijiya û nema rêya ber lingê xwe dît.

    Hêvîya me ji Şêx Evdikqadirê Geylanî ewe ku rojek berî rojekê dostanîya Tirk û Amerîkîyan jihevde bikeve û doxîn li Tirkan sist bibe....

Ne yek, ne du, ne sê!

Şêrzad Zebarî-09/02/07-Hewlêr- Dibêjin Rayedarên Wezareta Hundurê Iraqê ragihandine ku li Hewlêrê û gellek bajarên din baregehên dizî yên Tirkiyê hene û ewê di pêşerojê de baregehên dewleta Tirko bigrin.

    Li gor gotinên ser tenûran, dibêjin hema bêjin dewleta Tirko di her bajarê Kurdistanê de baregehên xwe danîne û amadekarîya çalakîyên terorîstî dikin. Ji alîyê din, endamê parlamentoya Kurdistanê û kevneendamê Komisyona Birêvebirina Cepha Turkmenî Esed Erbîllî jî lotikek avêt û got:   ”Dewleta Virqo bi alîkarîya van baregehên veşartî alîkarîya Cepha Turkmenî dikin da ku Kerkûkê û seranserê Kurdistanê aloz û têkilhev bikin". Li gora Erbîllî, li kolana Raperîn a Hewlêrê baregehek Tirkiyê heye û veşartî lotikan davêje derûdorê.

   Li gora ku xaltîma me Siltanê ji ser tenûra lotiktenûrê radigihîne, dibêjin temamê 350 şîrketên OYAKê jî wek baregehên dewleta Tirk dixebitin û ha ha di warê aborî û çalakîyên veşartî de Kurdistanê dixin bin bandor û kontrola xwe.

   Werhasil, xwezî bi wê rojê jî ku hikûmeta Kurdistanê li şîrketên OYAKê jî bê xezebê û dest deyne ser mal û mîrata wan..Helbet heger wêribin!

Amerîkayê tir ji dewleta Tirk berda!

Hesen Almas-08/02/07-Waşîngton- Roj bi roj cîh li dewleta Tirko tengtir dibe û ji herçar alî ve lotik û pehînan dixwin. Tirkên ku hêvîyek mezin ji dostên xweyên Amerîkî dikirin, êdî lotikan ji wan dixwin û perşoşkî dibin. Her çiqasî Amerîkî li Ewrûpayê çend lotikên Alamanî li alîgirên PKK xistin û li ser daxwaza kordînatorê PKK Rolston hevalbendên PKK li gellek welatan tên girtin jî, lê di nijara êrîşa başûrê Kurdistanê de Amerîkî rê nadin Tirkan ku bi rehetî lotikên xwe bavêjin başûr.

   Alîkarê Wezîrê Ewrûpa û Awrasyayê yê Wezareta Derve ya Amerîkayê Danîel Frîed, di preskonferansekê de ragihand ku ewê rê nedin Tirk derbasî başûrê Kurdistanê bibin û ewê serê Tirkan bişkînin. Frîed got ku, heger Tirk bi mahneya PKK bixwazin derbasî başûrê Kurdistanê bibin, ewê xefkên mişk,gur û keftaran li pêşîya wan deynin û ewê vê carê ne tenê çewalan lê xurcik û zembîlan jî têxin serê wan. Werhasilî kelam, xuyaye Amerîkayê giranîya xwe baş daye dostanîya Kurd û Kurdistanê û êdî qîmetê Tirkan bi pênc qirûşên xerabe nagirin. De ser xêrê be rebbî......

Bye bye Kurmancî.. Welcome Soranî!

Hişyar Berwarî-07/02/07-Kanada-Zimanê fermî yê Soranî xatir ji devoka Kurmanciyê xwest û berê xwe da Koreya malikxerab û ket nava leyistikên teknolojiya mobilên LG. Dema Serokekanî Wezîrekan Nêçîrvan Barzanî bi Soranî digot: „Eve hingaveka siyasî ye“ min got: „Welleh û billeh raste, siyasiya li dijî Kurmanciyê ye!“ Welhasil, dema Soranî birêket û berê xwe daye Koreyê, Kurmancî koor koor ji dûrva lê nêrî û bi halê xwe giriya.

    Dibêjin dema Soraniyê xatir ji Kurmanciyê xwest û berê xwe daye parleman, dibistan, hikûmet û hemu dezgehên fermî yên Kurdistanê, ji keyfa dikir bifiriya û ji Kurmanciyê re digot: „Dile xwe nehêle malate, tu zani çend hunermend stranan bi Kurmancî dibêjin? Ma ew jibo te ne bes in? Tu li malê be û çavê xwe bide xêzanê, stran û heyranokan ji xwe re bêje heta êvarî ez ji dewam, kargeh, dezgeh, dibistan û Koreya malikşewitî vedigerim malê. Xwarinê ji me re hazir bike û em bi dileki xweş bi vî halî derbas dikin“. (Dewama nivîsê wêne bitikînin)

  QET NEBÛ MAM CELAL!

Farûqê Devliken-07/02/07-Mêrdîn-Kuro ma we bala xwe daye mam Celal law? Çerga ku bûye serokkomarê Iraqê, kelefên wî nema di pantor de hiltên; zikê wî bûye kunê avê, du metroyan berî wî diçe. Ma qey ev rebenê xwedê ji petatê kelandî, bilxwira dosumekî û belohîyê pêve tiştekî din naxwe ezbenî? Di nûçeyan de carna ez çavlê dikevimê dilê min pê dişewite. Eyn wek Eddy Murfî lê hatîye… Ku we li filîmê “Profesorê dîndeyûz” temaşe kiribe, wûn ê fêm bikin ku ez qala çi dikim!...

 Berê tê bîra we, qerewata wî dihat li ser berzika wî disekinî; heta carna serê qerewata wî û serê doxîna wî digîhan hevdû. Lê anuha, ber destê te û xwedê be law, tu qerewatek pênc metro jî li stuyê wî girêde, wê qerewatê xwe li ser zikê wî re bera ser berzika wî neda. Pir pir xwe bigihîne ser navika wî…

 Ez wek Kurdekî welatparêz û hestdar mam Celal, hikûmeta Bexdê û asbazên Iraqê yek bi yek şermezar û qûnên wan jî dax dikim.

  Nayê hesabê min kaka! Yekî mîna gewendê Qasimpaşa ji paş ve li wî binere û di bin simbêla de bikene û di ber xwe de jê re bê, ”Qulmezin! Zikdef! û nizanim çi!...”

  Na mam Celal, na! Ya tê bidi lotikan û wan dûv û bezên zikê xwe bihilîni, ya jî li mala xwe li nav jin û zaroyên xwe rûne û xwe li ser serê me nenepixîne ezbenî!...

Ez bi heyrana çavên mamê xwe bim; li xwe miqate be, bira xelk û alem henekên xwe bi te  nekin û bi me nekenin!...Okey!?...Ez hatim herdû destên mamê xwe…

Kovara Tirkî derxin û Kurmancî înkar bikin, wey aferîn!

Leyla Bamernî-07/02/07-Zaxo- Dibêjin wê hikûmeta federe kovarekê bi zimanê Tirkî biweşîne. Wê navê wê bikin „YOL-RÊ“ da ku qaşo xwe ji kesên Tirkîaxêv re îfade bikin û xwe bi wan bidin fêhmkirin. Îcar em meraq dikin: Gelo kî yan kîjan çete û grûp dixwaze bi projeyek bi vî awayî milyon dolaran têxe bêrîka xwe? Ma ka hikûmeta Tirk kovarên bi zimanê Kurdî derdixe ku hûn radibin kovarekê bi zimanê dijminekî xwe derdixin? Heger ev ne projeyên xwarina bertîl û dolaran be, naxwe ev hezkirina kovara Tirkî ji ku derket?

   Başe û Kurmancî? Kurmancî çi lêhat kaka? Hûn bi pênc qirûşan qedr û qîmetê nadin zimanê Kurmancî, wê dipişêvin, lotikekê lêdixin, înkara 30-35 milyon Kurmanc dikin, lê radibin xwe li ber dilê dijminê Kurmancên bakur şîrîn dikin, dixwazin kovarên Tirkî biweşînin. Ma ev bû edalet ey millet? Yan hûn dixwazin bi vê kovara Tirkî Kurmancan asîmîle bikin? Tirkmenan ji nav derxin, lê ma ji Kurdên bakur pêve kes zane bi Tirkî bixwîne? Heger „ev ne fen bin ev çi ben in“ kakanooooooooo!?

   Lê bi serê we hûn ne sûcdar in. Sûcdar Kurmancên Behdînan in ku wek mirîşkên ketibin ser kurkê û dengê xwe nakin…

Rastî xweşe lê ka yê ku wêribe bêje!

Cemîl Cewher-06/02/07-Hewlêr- Hêz û qiwet ji yekîtîyê pêk têt. Meriv bi yekîtîyê digihê armanca xwe û biserdikeve. Gava daxwaz û niyeta yekîtîxwazan şerîf û paqij be, meriv kare di prensîb û şertên yekîtîyê de bê cem hev û lotikan bavêje. Na heger yekîtî jibo armancek xweperestî û xapandinê bê xwestin û mirov bi wê niyeta xwe ya paqij bên xapandin, aha ew xerab û tehlûke ye. Îcar ev jî mesela me û KNK ye.

   Nûnerên KNK a ku di bin sîya ne hinek lê tenê partîyekê de ava bû û qaşo xwe wek nûnerê herçar parçeyên Kurdistanê dibîne, serdana Hewlêrê kir û bi hinek sazî û dezgehên Kurdistanê re hevdîtin pêkanîn. Serokê KNK Alî Yîgît pêwistîya yekîtî û hevkarîya rêxistin û partîyên Kurdistanî anî zimên. Di serdana dezgeha K-TV de rozetên KNK li xebatkaran hatin belavkirin û xuyaye bi wan rozetan nûnerên KNK bawer kirine ku xebatkarên K-TV jî endamên KNK ne.

    Cîhgirê Serokê KNK Tahir Kemalzade jî got:” KNK di 1999an de jibo di navbera Kurdan de yekîtî û hevkarîyê pêk bîne hatiye avakirin.KNK yekîtîya Kurdên herçar parçeyên Kurdistanê ji xwe re kiriye armanc” filan û fîstan. Helbet kesek ji yekîtîyê nareve.Yekîtî daxwaza her Kurdî ye. Lê xwezî we bigota: “Heyran bi telaq em jibo Apocîkirina Kurdên herçar parçeyên Kurdistanê hatin avakirin” û hew! Hema rastî xweşe lo, wîî!

Em bi te re mîster Kevirbirî!

Rojda Aydin-05/02/07-Stenbol-Dibêjin Enstîtuya Kurdî ya Stenbolê û TZP Kurdî li Navenda Çanda Mezopotamyayê forûmek bi navê „Xebatên Paraztina Ziman“ lidarxistiye û di forûmê de nivîskar, rewşenbîr û rojnamegerên Kurd lotikên xwe avêtine, dîtinên xwe anîne zimên. Ji nav wan dîtinên sê kesan bala me kişand ku ji sedî 100 em bi wan re ne. Mûrad Batkî, Celîlê Celîl û Salihê Kevirbirî.

   Mûrad batkî dibêje:“Ev kar bi kampanyayan nabe, kampanya sînorek wê heye. Divê zimanê Kurdî bibe şiklê jiyana mirov, divê em vê bi siyasetmedarên xwe bidin fêmkirin.Niha tevgera jinan Kurdî ji jinan dûr dixe, çima jinên Kurd ji Kurdî dûr dikevin? Gere em zorê bidin keç û jinên Kurd ku bi Kurdî xeber bidin”. Celîlê Celîl dibêje:”Zimanê dayikên Kurd bi Kurdî ye, lê îro jinên Kurd tên cem hev bi Tirkî civînan dikin. Ev xizmeta kê ye, ji bo kê ye? Îro li Mezopotamyayê (!) Kurdî zêdetir di nav koriciyan (cerdevanan) de tê axaftin. Sibê emê biçin ji wan hîn bibin”. Salihê Kevirbirî dibêje:”Problema mezin problema welatperweriyê ye. Li dinyayê ez Tirkek, Erebek nas nakim ku zimanê xwe nizanibe. Em hê nebûne welatperwer loma em zimanê xwe nizanin. Feraseta perwerdehiyê divê bi her kesî re hebe”.

   Îcar, Mûrad batkî xweş dibêje rast dibêje. Bijî! Celîlê Celîl rast dibêje, heger jinên Kurd bi Kurdî zanibin û bi Tirkî civînan bikin xizmetê ji dijmin re dikin.Başe, çima Mezopotamya lê ne Kurdistan bavê min? Ha me zimanê Kurdî jibîr kir û ha me navê Kurdistan kir Mezopotamya!?

   Werhasil, bila Xwedê miradê Salihê Kevirbirî bike rebbî! Gotina herî rast wî gotiye: Problema mezin problema welatperwerîyê ye, problema neteweperestîyê ye. Kurdan hîna wek millet xwe nasnekiriye. Heta ku Kurd nebin neteweperest, nebin Kurdperwer wê zimanê Kurdî jî bibe top û goka nav lingên dewleta Tirk û Demokratîk Cûmhûrîyetçîyên enternasyonalîst....Wekî din?

Hasil di Mûsilê re derketiye wî daye dû çeqçeqonkê

Tacdîn Baran-05/02/07-Almanya- Xuyaye alerjîya malpera amûdê.com ji rojnama Peyama Kurd an jî ji xwedîyên wê re çêbûye ku derneketina rojnamê jê re bûye meraqek mezin. Dibe ku dilê kekê me Sîrwan Hecî Berko li ser derneketina rojnamê dêşe jî, ma kî zane? Çawa be çend rojan wî jî ked û xwêdana xwe da kar û xebata rojnamê.

   Werhasil, amude.com piştî heft mehan dîsa derneketina rojnama Peyama Kurd anî bîra xwe û ji xew neciniqî. Bala me jî kişand, malî ava rebbî! Li gora amûde.com dibêje, dibêjin xwedîyên rojnamê deyndarên çend karkerên xwe ne û dest danîne ser risq û hibra qelema wan.

   Temam, me fêhm kir, lê ka bipirse bê çima deyndarên karkerên xwe ne brê min? Te go çima? Okey! Ê qurban, gava meriv ji sedî 50ê sermaya xwe li çûn û hatina başûr bide, li heqê bilêtên tiyarê bide, li çûn û hatinek destvala bide, çi dibe? Perê karkeran jî namîne ne,wey! Ma rebenan naxwazin perê karkerên xwe bidin heyran? Lawo pere tune pereeeeeeeeeee! Başûrî peran nadin wan,wîî! Îcar bela xwe ji Peyama Kurd jî û ji rêvebirên rojnamê jî berde û hew…

   Te go xwedîyên wê di serokatîya PDK-Bakur de cîh digrin? Na lo? Halla halla! Kuro lawo ji 1965an ve PDK Bakur di bêhnvedanê de ye qurban, rojname heft mehan ketiye bêhnvedanê ma dinya xerabû! Hasil di Mûsilê re derketiye û meselê zêde nekole….Okey hebîbî! .

Nefelê qiyamet rakir! Hayhoooooo!

Cemîlê Çargurçik- 05/02/07-Stockholm- Dibêjin malpera Nefelê qiyamet û tofana tsûnamîyê rakiriye û dinya seranser daye ber xwe. Nefel di malpera xwe de pesnê xwe dide, dide, dide, hetanî ku xwe difirîne ezmanê heftan. Werhasil, em serê we neêşînin. Xuyaye heger ne ji Nefelê be wê çapemenî û rojnameyên Tirkan li pataxê kevin û ji „Televole“ û „Paparazzî“ pêve nikaribin nûçeyan bidestxin.

   Di derbarê nûçeya Serok Barzanî ya ku di hevpeyvîna bi Televizyona Dengê Amerîkayê beşê Farisî de gotibû „Heger Tirk û Îranîyên bêbav êrîşî Kurdistanê bikin emê bersiva wan bidin“, Nefel xwe dike hûtê heftserî û behsa belavkirina nûçeyê û medya Tirkan dike. Dibêje: „Daxuyaniya Serokê Kurdistanê Mesûd Barzanî bo tehdîdên Tirkiyê îro wek firtoneyekê bi ser hemi medya Tirkî de herikî û Tirk cardî dîn û har bûn. Nefel vê carê jî di mîsyona xwe ya ragihandina doza Kurdî de bi ser ket û îro derbeyek xurt li hest û damarên şovenîstên Tirkan û dewleta wan da“ filan û fîstan.

   Wey her bijî Nefel! Yanî, heger ne ji Nefelê ba, wê Tirk û çapemenîya wan bi wê nûçeyê nehisiyana ne? Pekkkk! Me nizanîbû dewleta Tirk bi sîxur, zimanzan, sazî û her şêweyên dezgehên xwe ve razayî ye bavo!

   Li ser bextê xelkê be, dibêjin rojname û çapemenîya Tirk li ber devê derîyê Nefelê ketine kozik û kemînê û dibêjin „Xwedooooo ku Nefel nûçeyekê biweşîne“ da ku pê namûsa xwe xelas bikin. Neyse, em û Nefel destebrakên hev in, serketina wê serketina me ye jî…Çawa be xwîn dikele xwînnnnnnn!   

Xêrnexwazan Lotikxane çavînî kir

 Lotikxane-03/02/07- Webmaster û gerînendeyê Lotikxanê çavînî bû û ket nexweşxanê. Kes nizane kê ew çavînî kiriye, lê dibêjin di xewna xwe de hinekan ew dane ber lotikan û herdu çavên wî kirine wek zotka mirîşkê. Ji ber vê sosreta kesanedî, emê îro nikaribin lotikan li kesî xin û bihêlin ku xelk bêjin "Oxxxxxxx, em îro neketin devê Lotikxanê!" û ji kêfa re îskanek wîskî bi ser dil û kezeba xwe dakin.

   Werhasil, webmasterê me halîhazir di nav dest û lingên textoran de ye. Textor bi pehîn, buks û zîtirkan ketine ser dilê webmasterê me. Heger rebeno bi saxî ji nav lepê wan xelas bû, ji xwe sibê emê dîsa dest bi weşana xwe bikin, lotikên Kurdewarî li dijminan xin û çavê wan derxin. Na heger rêya azadîyê nedît û di nav lepê wan de şehîd ket, ji xwe emê li çara serê xwe binerin û fatîhayekê li ser can û cesedê wî bixwînin. Hema go melkemot xwe nêzîkî wî neke tiştên din rehet in. Werhasil, hûn îro man bê lotik allahwekîl!

   Haaaaaa, hûn îstatîstîka vê mehê meraq dikin ne? Wî çaxî neteqin û li bendî sibê bimînin..Hûn û şensê xwe.....

Dev ji me û van qeşmerîyan berdin ezbenî!

   Farûqê Devliken-02/02/07-Mêrdîn-Ev anuha wûn ji min re nabêjin, ev çi dek û quretîyên Tirko ne? Hema ewê rabin û rûnên, ”Emê bajon ser Qandîlê!...”

Wûn bi qedrê xwedê kin, tu kesî xwe avêtine pêxîla wan? Tu kes ketîye dexlê wan û bi bergerîn kesî devê xwe li ber wan xwaro-maro kirîye?

  Bûye heyran heyran û qurban qurbana kesî ji bo ku najon ser Qandîlê, ya jî şervan bi ser kesî de girîyane û gotine em di dexlê we de ne herin ji Tirko re bibêjin, bira najon ser me?

   Gelî dosta, wûn dizanin wek çi li dewleta Tirko hatiye? (Dewama nivîsê wêne bitikînin)

Yek ji me û yek ji wan

Zinar Qelemşûr-02/02/07-Stenbol-Hûn zanin gelî xwendevanan, her çiqasî em dijminên hev bin jî, çiqasî em ji hev hez nekin jî, lê gellek caran meriv hişmetkar û heyranê van Tirkên doşirme dimîne. Mêrikan bi her awayî di xizmeta netew û dewleta xwe de ne. Çepên wan çepên millet û dewleta xwe ne, rast û faşîstên wan ha keza, misilmanên wan xizmetkarên dewleta xwe ne, qûnek û lezbîyenên wan dîsa di xizmeta millet û dewleta xwe de zinêkarîya xwe dikin. Yanî, aferîn ji wan re û hew!

   Car caran têkevin kerxana www.turksolu.org ê û binerin bê bêbavan çawa dijminatîya Kurdan dikin û bi navê çepîtîyê çawa nîjadperestîyê dikin.

   Îcar emê ji çep û enternasyonalîstên Kurdan re çi bêjin ez nizanim! Enternasyonalîstên ku bi navê "bratîya Kurd û Tirk" qûna Tirkan dalêsin, bi daw û delinga wan digrin û malikê li Kurdan dişewitînin, bila fedî bikin û hesab ji wîjdanê xwe bipirsin. Helbet heger wîjdan û xîret bi wan re mabe!? 

Daweta bi 10 milyon dolar! Wey bavoooo!

Mistefa Kerkûkî-01/02/07-Kerkûk- Ji me derew, lê li gor hinek ji çapemenîya Îtalî û mikurhatina hinek kesên Kurd û Îtalî, kurê Celal Talabanî Kubat Talabanî daweta zewaca xwe li Îtalya, di ciyekî pir luks de çêkiriye û 10 milyon dolar lê serf kiriye.

   Nameya Dr.Casim Tewfîq Xoşnav di kurdistanpost.comê de belav bûye û tê de tê gotin ku, “Di 2004an de Mam Celal Talabanî, Xêro Xan û Dr.Muhammed Şakir hatine Îtalyayê û beşdarî daweta Kubat Talabanî û Şerrî Kraham bûne. Lê çapemenîya YNK ev serdan wek serdanek resmî ya bi rayedarên Îtalyayê re nîşan dane û qet behsa dawet û zewacê nekirine” filan û bêvan. Şerrî Kraham bi xwe keçek Cihû ya Amerîkî ye.

   Werhasil canim, zewac xêr û bereket e. Di zewacê de xêr jî heye, şer jî heye. Mebesta me ne ewe ku em li dij derkevin. Lê me tiştek fêhm nekir? 10 milyon dolar? Kur û keçên xelkê reben, zarokên şehîdan li qelenê xwe dimînin heyirî, jibo peydakirina qelen û çend qirûşan mala xwe dişewitînin, lê bila zarokên girgirek û serokên partî û hêzên Kurd daweta bi 10 milyon dolar çêkin. Ma ev bû wîjdan? Ma ev bû edalet? Hûn zanin bê bi 10 milyon dolar çend malbatên şehîdan têr dixwarin? Bi 10 milyon dolar çend keç û xortên Kurd karîbûn bizewicin?

   Heheyyyyyy! Ma xema we ye baba? Na bavoooooo! Zarokên şehîdan birçî ne, tazî ne, bê jin in, bê mêr in, ji kî......we ve! De dîsa jî lotika we ser xêrê be rebbî...

Ev Hakim Qadirê Qûnde kî ye?

Lotikxane-dengêbotan.com-31/01/07-Birastî gava me ev gotara keça Kurd a ji bajarê Xaneqînê (xanim X) di malpera www.dengêbotan.com de xwend, em zêde ecêbmayî neman. Ji ber ku em milletê xwe dinasin û zanin bê qumaşê me Kurdan çi qumaşekî xav û qetiyayî ye, me got xem nake. Lê gava meriv lê difikire ku çawa Hakimekî Kurd (!) keç û jinên Kurd teşwîqî qehpîtî û laşfiroşîyê dike, me ji Kurdbûna xwe fedî kir û serê me kete ber me. Herçiqasî qûnekên bi vî awayî di nava me Kurmancan de jî hene, lê xuyaye Soranekan yekcar berdîberdan in û namûs li cem wan bexdûnis e.

   Xanim X di gotara xwe de behsa xwe dike ku çawa ji mecbûrîya bêkarîyê ji Xaneqînê hatiye bajarê Silêmanîyê û li wir Hakim Qadirê zinêkar namûsa wê herimandiye, ew kiriye laşfiroş û pêşkêşî zilamên din kiriye. Tiştê ecêb û rastîya herî xweş jî ev e ku xanim X behsa piranîya berpirsiyarên Celalîyan dike û dibêje:” Çîrokek pîse, belam ji ber ku pir girînge divê ez behsa wê bikim. Piranîya mesûlên ku bi jin û zaro ne, (homoseksuel-qûnde) ne. Di dema minasebeta cinsî de heta meriv dest û tilîyên xwe nexe wan, li wan xweş nayê û mest nabin. Lê gava min pençeyê xwe (dest) li wan rast dikir, rehet dibûn û diyarî û padaştên baş didane min”.

   Werhasil, em serê we bi Hakim Qadirê qûnek re neêşînin. Nivîs bi Soranîya latînî ye. Heçê bixwaze kare wêne bitikîne berdewama nivîsê bixwîne.Yan jî serdana www.dengêbotan.com bikin.

Bêdeng ma piştre got:Deve!

Rojda Aydin-30/01/07-Stenbol- Ji zû de dengê Leyla Zana xanimê nedihat. Me meraq dikir gelo ka ew çi dike, çi nake, partîyan ava dike yan jî wê dest bi şoreşê bike. Lê piştî bêdengîyek ecêbane, me ew li Stenbolê, di tazîya Hrant Dînk de dît.

   Dibêjin Zana xanim li kêleka Akkan Suverê Serokê Weqfa Marmarayê rûniştiye, piştî qederekê jibo ku xwe li ber dilê Tirkan û Akkan Suvar efendî şîrîn bike rabûye gotiye:”Tu zani Suwar efendî, evê gotina “em hemi Ermenî ne” ez pir êşandim. Ez deh salan di hepsê de razam lê min hevqas êş nekişand. Gelo niha ez bêjim “Em hemi Kurd in”, tu bêji “Em hemi Tirk in”, çi dibe? Rewşa ku jibo lihevhatinek aştîyane pêk bê winda dike” filan û fîstan.

   Dibêjin piştî yazî û serxweşîyê, Akkan Suver efendîyê Tirk rabûye ji derûdora xwe re gotiye:”Halla halla! Min nizanîbû Leyla Zana û Orhan Dogan hevqasî Tirkperwer û wetenperwer in bavo, ya suphanallah!!”

   Ê keçko, Leylokê, porkurê! Hezbelqeder tu bû parlamenter, tu bû mirîda hinek şêx û mişêxan û xelkê kêfa xwe ji te re anî,  tu hîna jî wek insanan nizani bi Tirkî lotikan bavêji, ma serê te bi gotina “Ez Ermenî me” dêşe  nemayê? Tu ji xwe, ji bavê xwe fedî naki, ma tu ji Mêhdî Zana jî fedî naki keçko, wîî!?

Vê carê mele jî ketin ber bahoza qedexeyan

Meyxane jî ji wan re qedexe kirin

Gabar Çiyan/Lotikxane: 29/01/07-Li bajarê Entabê ji aliyê dadgehê ji ber kar û barê xwe bi rêk û pêk nekirin, 3 mele bi cezayek nû hatin beramberî hevûdu. Li gorî biryara dadgehê, hersê mele 25 rojan li ser hevûdu nema dikarin herin meyxanê û pavyonan. (Dewama nivîsê wêne bitikînin)

Bîjîyên Tirk lotikek li Luqman Cemîl xistin

Cemîlê Miho-28/01/07-Bochum- Bîjîyên Tirk,hackerên Atabeyler bi tenq û topan êrîşî ser malpera hunermendê Kurd Luqman Cemîl kirin, lotikek bêîman lêxistin û çira wî vemirandin. Luqman Cemîlê ku bi ked û xwêdanek mezin, bi zor û heft bela malperek ji xwe re çêkiribû, ket zîndanên dewleta Tirk û felek lê geriya.

   Dibêjin rebenê Luqman Cemîl seet û gustîlkên xwe firotibûn û pê ew malper vekiribû. Lê niha nema zane çi bike ku cardin malpera xwe ji zîndana Tirkan derxe. Li ser bextê xelkê be, dibêjin îcar wê Luqman Cemîl cakêt, şerwal û binkirasê xwe bifroşe da ku ji xwe re malperek nû veke.

   De Xwedê li pişta te be Luqman Cemîl! Berxwedan jîyane qurban..Malperek din jî veke û vê tirê ji Tirkan re nehêle, deeee..!

Ha ji we re doktorek ji bajarê Pêxemberan!

Sadûn Deysem-28/01/07-Ruha- Çiqasî raste nizanim, lê xwedêgiravî dibêjin bajarê Ruhayê bajarê Pêxemberan e. Herama Xwedê be ku me heta niha Pêxemberekî biaqil têde dîtiye, ma em rabin derewan bikin, wey! Werhasil, emê niha behsa Pêxemberekî biaqil bikin.

   Ehmet Karabûrcê Sêwregî (32) diranê wî dêşe. Êşa diranan jî pir xedar e allahwekîl, Xwedê neyne serê kesî. Ehmedê me jî radibe jiber êşa diranê xwe serî li Navenda Tenduristîya Dev û Diranan a Ruhayê dixe. Piştî ku Doktor Abdulkadir Elçî çend sanîyan wî saxtî dike, jê re dibêje:“De here û 10 mehên din cardin were ezê êşa diranên te bibirim“ û lotikekê li Ehmedê me dixe. 10 meh kuro!

   Yanî, wê rebenê Ehmedo deh mehan bi wê êşê bisekine, li bendî dora xwe be heta ku doktor efendî diranên wî derman bike! Îcar we tiştê wisa dîtiye? Îcar kî dibêje:“Ruha ne bajarê Pêxemberan e?“ Bi telaq me ji îsot û ecînê (çîgkofte) pêve tu xêra Pêxemberîya bajarê Ruhayê nedîtiye lo, wîî!

Ew dan kujtin, îcar helbestan li ser dinivîsin

Ehmed Beyan-28/01/07-Enqere- Wek hûn zanin, li Tirkiyê tiştek bê îrade û daxwaza dewleta Tirk nayê kirin. Ji misilmanên wan bigrin, heta bi kominîst, çep û rastên wan di bin emrê dewleta xwe de ne û ha ha lotikan li kes û sazîyên ku li dijî dewletê ne dixin.

   Yek ji qesasê Hîrant Dînk, Serokê partîya Buyuk Turkîye Partîsî a faşîst Muhsîn Yazicioglû ye. Destê Yazicioglû di qetlîama Maraşê de jî hebû û mirovekî tam zirqantir e. Îcar piştî ku rebenê Hrant Dînk dan kujtin, Muhsînko rabûye qaşo helbestek li ser wî nivîsandiye û xwedî lê derdikeve. Hûn helbesta wî meraq dikin? De fermo, me ew wergerang Kurmancî  û têr bixwînin:

Hranto Dînko!

Erê Hranto erê..Tê bîra te gava te lotik li dewleta me dixist..

Te wek gayê ber cot tir ji me berdida

Ma te digot qey wê ev tir ji te re bimîne Ermenîyo?

Va qehremanên Tirk, nevîyên Mistoyê Kor, lotikek Tirkewarî li te xistin, milyonek û nîv Ermenî çûn cehnemê, bi saya te bû 1.501.000. Ne Mutlu Virqim Dîyene!

Jêkin yan bixesînin!

Diyar Baban-27/01/07-Mahabad- Dibêjin Ehmedînejad ji sedî 90ên sîxur, qûnde û mûndeyên xwe şandine Iraqê û li wir lêkolînên çalakîyên terorîstî dikin. Piştî ku ev plan û proje derketiye holê, îcar dibêjin Serok Bûşh jî rabûye ferman daye general û çawîşên xwe yên li Iraqê û gotiye:”Kîll or capture!” okey! Yanî; “bikuje yan bigre”, heger we nekujt jî “xiyarê wan di berde jêkin û wan wek dermaleyên salê bixesînin”.

   Îcar li ser bext û namûsa xelkê be, dibêjin piştî vê fermana Bûşh, sîxurên Îranî rîh û simbêlên xwe kur dikin û bi çarçefên jinan digerin. Dibêjin Ehmedînejad jî hazirîya kurkirina rîh û simbêlan dike.

   Êêêê, ma rehete qurban? Na! Ha xiyarê meriv di berde hat jêkirin, ha meriv hat xesandin, ha meriv hat kujtin, ma ferq heye? Na canimmmm! De xwezî bi wê rojê û hew....

Biçirîne Hisênooooooo!

Ehmed Beyan-27/01/07-Enqere- Wezîrê Perwerdeyê Huseyîn Çelîkê Wanî li bajarê Çorûmê dîsa çirand û çirvirand. Huseyîn Çelîkê qamkinik di vekirina dibistanekê de ji şagirtan re dibêje: „Şagirtno, serkerno, qûnekno! Neteweperestî ne ewe ku meriv zirt û virtên xwe bike. Neteweperestîya rastîn ewe ku meriv refah û rewşa jîyana milletê Tirk xweştir bike. Divê hûn rewşek wisa bixuliqînin, bêyî ku kes ji bawerîya dînê hev û ji bingeha etnîka xwe têkevin şik û gumanê. Divê herkes bi hemwelatîya Tirkiyê xwe bextewar bibîne“ filan û fîstan. 

   Ê lawo Hisêno, kurê min! Hikûmeta te lotik namînin ku li Kurdan naxe, tu jî wek Kurdekî Wanî cilika bênamûsîyê dikşîni serê xwe û dibêji „refaha Milletê Tirk!“ Êêêê! Ma ka refaha Milletê Kurd ewladim? Ka refeha milletê te? Yan te jî xwe firot bi pênc qirûşên xerabe ne, weledddddddd! Heyfa zilamên wek te, bi telaq we namûs û xîret kir bexdûnis û hew!

Dêrikî efendî ne Nisêbînî fûtbolcî ne!

Cercûro-13/02/07-Nisêbîn- Dibêjin piştî ku Bûbê Eser pirtûka “Sîno bû efendî” derxistiye, civaka Kurdên derûdora Mêrdînê serûbinê hev bûye û hema bêjin wek tsûnamîya Asyayê li serê wan hatiye.

    Li ser bext û namûsa Abdulkadir Aksû be, dibêjin çend xortên Nisêbînî pirtûka “Sîno bû efendî” xwendine û wek mirîşka go meriv serê wê jêke li wan hatiye. Rebenan di navbera Xelîl û Celîl de mane, nema zanin ne ew jî wek Dêrikîyan bibin efendî yan jî bibin fûtbolçî.

   Werhasil, henek li alîyekî, dibêjin Kutbettîn Orakê 12 salî yê Nisêbînî bala mafya Fenerbahçeyê kişandiye û serokên mafya Fenerbahçeyê ew xwestine cem xwe. Îcar dibêjin Nisêbînî ji kêfan re wextî bifirin ber perê ezmanan û dibêjin:”Heta niha em Galatasarayî bûn. Ji ber ku serok Ocalan Galatasarayî bû em jî ew bûn. Îcar emê demakê Fenerbahçe jî biceribînin. Heger me xêr jê dît ji xwe emê lotikên Fenerbahçekî bavêjin, na heger me xêr jê nedît ji xwe emê jî wek Dêrikîyan di mala xwe de bibin efendî û hûn sax!”

   De ser xêrê be rebbî....Kuro bi telaqê Kamûran Înan we ne xêr ji Galatasaray dît û ne ji Fenerbahçe lo, wîî! A baş efendîyê mala xwe bin û hew!

Dêrikî bûn efendî!

Tacdîn Baran-12/02/07-Almanya- Li ser bext û namûsa xelkê derûdora bajarê Karlsrûhe be, dibêjin Dêrikîyên derûdora bajarê Karlsrûhe nema dixebitin û bûne efendî.

   Dibêjin herçiqasî rayedarên dewletê bang li wan dikin û dibêjin:”Filankes, werin va me ji we re kar dîtiye” lê Dêrikîyên me dibêjin:”Çi? We go kar? Kuro ma Dêrikî û kar? Ma hûn nizanin piştî ku Bûbê Eser pirtûka ”Sîno bû efendî” derxistiye em Dêrikî bûne efendî baba, wîî! Hema bi telaqê Xeto û Remo em rojê ji seetekê pêve nexebitîn! Na baba na, em Dêrikî bûne efendî, êdî em û xebat ji hev qutttttttt!” û daxwaza rayedarên dewletê paşde vedigerînin.

   Îcar rayedarên Alman jî bi wan re mane halekî heyirî û nema zanin bê bi çi haweyî ji van Dêrikîyan xelas bin. Ne li ser bextê me be lê dibêjin, dewleta Alman bi taybet li ser efendîbûna Dêrikîyan disekine û dixwaze lêkolînek kûr û dûr li ser ”Çima Dêrikî bûne efendî” çêke.

   Werhasil, xwedê bi çewal û telîsan daye Dêrikîyên Almanyayê allahwekîl. De bila li malên xwe rûnên û beqan bixesînin, oxxxxxxxxxxxxx!

Serokkomarê tirko li Tirko pîroz be!

Farûqê Devliken-12/02/07-Mêrdîn- Sernaxirê Yaşar Buyukqantir ji bo serok komarîyê nixta dawî danî û zirîya; “Divê ji bo serokkomarîyê, Tayibê me yê Erdogan û Ahmedê me yê Necdet li qarşî çapemenî û raya giştî bi navê (gureş) bilîzin. Lê, divê herdu jî van rêzikan (qaîde) bicîh bînin;

               1: Pêşbazî (musabeqe) di meha havînî ya navîn û li ser pirezeyek nûrakirî û bi tena derpîyê kin û binexş çêbibe. (ji bo pîj, kelem û sitirî xweş di qûnên wan re here lo!)

               2: Ji dêleva zeytê ezê bi ser wan de bimîzim. (Qet nefikirin ku sernaxir ji bêedebî an ji fiqurî bêhaweyek were dike; na ,ya wî ji bo adet cîh bigre û hew..(Dewama nivîsê wêne bitikînin)

Di serê mêrik de pirs hene. Weyyyyyy!

Zinar Qelemşûr-11/02/07-Stenbol- Koordînatorê Tirk ê PKK Başer efendî li ser pirsa: Hûn bawerin ku Amerîka li bakurê Iraqê gavên erênî li himber PKK davêje? Dibêje: Di demên berê de di serê me de pirs hebûn. Hîna jî di serê me de hinek pirs hene, ew pirs ji serê me derneketine.

   Li ser pirsa: Ew mijarên ku di serê we de pirsan çêdikin çi ne? Dibêje: Amerîka dibêje ku li başûrê Iraqê kar û barê me zêdeye. Em wext nabînin serê xwe bixwîrin em çawa lotikan li PKK xin. Ez ji vê sedemê bi şik im. Lê çi fêde..Amerîka îro Xwedayê dinyayê ye. Heger ji min bihata min zanîbû ez çi tînim serê wan lê li jor Xwedê û li jêr jî Amerîka ye. Ji me nayê em lotikan li Amerîkayê xin” filan û fîstan.

   Weledddddd! Bi namûs dilê kafiran bi we dişewite sayin Başer efendî hazretlerî! Naxwe ji we nayê hûn Amerîkayê bidin ber lotik û pehînan haa? De bixwin bixwin, hem jî hetanî bi ber xiyarê Amerîkîyan bixwin cîgerîm! Bi telaqê Tirkên Selanîkê, xiyarê Amerîkîyan tehl e,yan hûnê bixwin û yan jî hûnê di xwe kin û hûn sax! 

Nameyek bê sansûr bi zaravayê Soranî-latînî

ji ber çi nuseri kurmanci dijminayetî soranî deket?

Zana-10/02/07-Silêmanî-

Hevalan slaw..

Ji ber ci nuseri kurmanci dijmnayeti sorani deket? kurmani 25 million kesen  millionel ji wan kurmanci nexwenit! kurdi bakur heme bune tirk Roj-TV mmc hemu tirkiye rojname govar hemu tirkiye !  nuseri kurmani per keme  perani wan be tirki denusen!

   Le kurdistani basur perani kurd soranin we nuseri sorani per kar deken xezmeti zemani kurdi deken  ta henuke kurmanci kurdistani basur sorani fehm naken we perani wan be arabi denusen! le sorani dekaren kurmanci beaxven we bexwenen! kesi kurmanc nekare sorani fehm bket! heta goranibej kurmanc nexaze yek gorani sorani beje hemu goranibej sorani cend gorani kurmanci debejen (Berdewama nivîsê wêne bitikînin)

Husnî Mahlî bi derewan zora tirkan jî bir

Hejarê Amedî-10/02/07-Amed-Kanala televizyona tirkan kral tv hevpeyyvîneke taybet bi rojnamevanê ereb Husnî Mahlî re kir û doh êvarê ew wek nasyarê rojhilata navîn tevli nûçeyên xwe kir.

   Di vê hevpeyvînê de ne tenê Mahlî derewên ji yê tirkan mezintir kirin lê wî hişt ku tirk bi xwe jî li derewên wî  matmayî bimînin. Yanî wek ku bêbextiyê tirkan ji bo tewambariyê PKK nebesbin , Mahlî ji ba xwe jî çend derew lê zêdekirin. Derewa herîm mezin ew bû ku Mahlî idia kir ku bûyerên serhildana Qamişlo ya 12 adarê jî bi destê PKK çêbûye û xwestiye ku dewleta Surî serobino bike.

   Bi vê yekê Mahlî jî hem xwe bi tirkan bêtir şelaf kir ji ber li wir dijî û hem jî bi wan da zanîn ku ereb dikarin bêbextî û derewên ji yê wan mezintir bikin.

   Werhasil, dibêjin diz ji dizan didizin. Îcar xuyaye tirk û ereb jî ji hev derewîntir in. Ax ku heçê derewek bikira û tirek bikira..

Kujerî nahmetil kursî ye gidî!

  Farûqê Devliken-09/02/07-Mêrdîn-Ogun Samast nîvcercûrek di serê rewşenbîrê Ermenî Hrant Dînk de valakir; wî bi dev, li ser wê çimenta sar û cemidî rastî erdê kir. Pahnîya qundera Hranto ya qetîyayî û nepînekirî, ku havînî wi bi tozê, zivistanî jî wî bi çiraf û avê rezîl û perîşan dikir, nîşana bedbextîya Ermenîyan û Kurdan bû!...

   Camêr orta nîro karê xwe bi serfirazî û bi serbilindî anî cîh û revî revî di nav zikak û kolanên Qonstînopolîsa kevnare de wenda bû...(Dewama nivîsê wêne bitikînin)

Zavayê Tirkan malxezûranên xwe dan ber pehînan

Miradê Torî-09/02/07-Amsterdam-Wek hûn zanin, Joost Lagendîjk zavayê Tirka ye û di nav livînê de bi namûsa wan lîzt.

   Lagendîjk li Amsterdamê di derbarê derbasbûn û êrîşa başûrê Kurdistanê de bala malxezûranên xwe kişand û got:”Biaqil bin, di vir de xezûrtî mezûrtî tuneye. Bi telaqê jinberdanê heger hûn derbasî başûrê Kurdistanê bibin we endametîya Yekîtîya Ewrûpayê nedît! Wê endametî li we bibe xewna şevê û hûn sax! Nebêjin keça me li cem Lagendîjke û ewê li pişta me be. Piştî ku ez û jinika xwe ketin nav livînê û me lempe vemirand û pêve, ne xezûranî dimîne û ne dostanî allahwekîl!” û lotikek baş li Tirkan xist.

   Werhasilî kelam, heta bi zavayên wan jî bûne dijinê Tirkan wesselam...Bijî Lagendîjko! 

Cerdevan bûn efendî

Gulistan Bişêrî-08/02707-Batman- Dibêjin 200 cerdevanên ku şaqûl, xefik û sîlehên dewletê girtibûn û pê şerê PKK dikirin, êdî wê di xizmeta Midurîyeta Perwerdehîya Dewletê de cerdevanîyê bikin, dibistan, sergo û avdestxaneyên dewletê paqij bikin. 200 cerdevan wê wek xidam û cêrîyên dibistanên dewletê bixebitin û dibêjin wê “avê li dest û lingên mamosteyên Tirk bikin û hetta qûna wan jî bişon”.

   Midurê Perwerdahîya Netewî yê Batmanê Şînasî Soyer efendî dibêje: “Bi salan me bi milyonan pere dan van cerdevanên ku bi kêrî girtina mişk û cerbohan nayên. Tu dibê qey malxiraba nanê bêxwê xwaribûn kuro, terorîstek jî nedikujtin yahooo! Îcar emê jî heyfa xwe ji wan hilînin û bila ji sibê heta êvarî qûna zarokên me bişon” filan û bêvan.

   Werhasil, ji cerdevanan re ferq nake, ha qûna zarokan bişon, ha mêran bikujin û ha xîreta xwe bifroşin. Ji wan re bese ku perê tûtin û cixara xwe bistînin. Wey Xwedê yeka we neke dudu rebbî.....

Ûsivê Hersan Nivîskarê HAWAR ê yê dawî ye 

Husên Ehmed-07/02/07-Amûda bavê Mihemed, Amûda ku bi agirê zikreş û kîndaran di dîroka xwe ya nûjen de bêtirî carekê hatiye sot û wêrankirin, rojekê ji rojan, serê xwe ji dijminên rastiyê re ne tewnadiye, sitem û zordestî ne pejirandiye, her û her wê li ber xwe daye, herdem, beşdarî di xebata netewî, wêjeyî, çand û zimanê kurdî de kiriye.

   Amûdê, vî bajarokê bi gewd û qilafetê xwe biçûk, lê bi dan dahênanên xwe mezin. Amûda çavreş, gelek lehengên netewî afirandine ku, di warê xebata netewî de bûne stêrkine geş û bi ronak, bûne mûm û find, xwe şewitandine û riya gelê xwe ronî kirine. Yek ji wan lehengan, ÛSIVÊ HECÎ HERSAN e, yê ku 71 salî di ber doza gelê xwe ya dadmend û rewa de, kar û xebateke bê westan kiriye. (Dewama nivîsê wêne bitikînin).

Piçek çermik û 17 milyon dolar

Sîpan Nas-07/02/07-Tirkiye- Dibe hûn nizanibin, lê di Tirkiyê de kesê ku bertîl nexwaribe û pê dewlemend nebûbe tuneye. Ji çaygêrên wan bigrin heta bi melle û muxtarên wan, ji generalan bigrin heta bi serokwezîr û nivîskarên wan bertîlxwir, diz û çeqel in.

   Werhasil, xuyaye rojnamevan û nivîskarê Tirko Tuncay Ozkan jî yek ji wan e. Ozkan efendî di demek kurt de bûye xwedîyê 17 milyon dolar û herkes jê dipirse:“Lan qûnde! Te ev pere ji ku anî kurê min?“ Ew jî radibe dibêje:“Min ev ere di sunneta xwe de da ser hev!“

   Sunnet kuro! Sunnet û 17 milyon dolar? Lan kurê min, te piçikek çermikê heram jêkir 17 milyon dolar da ser hev, gelo te xiyarê xwe ji binî de jêkira wê çend milyon dolar bihata ser hev hêê? Ma te ji binî de jêkira ne çêtir bû cîgerim?

Îstatîstîka meha Çile 2007

3 milyon 522 hezar 561
 

Lotikxane-06/02/07-Lotikxane bê westan serê hefsêr berdaye û ber bi armanca xwe ve dibeze. Meha Çile (01-31/01/2007) 3 milyon 522 hezar û 561 kes ketine Lotikxanê. Jibo agahdariyên zêdetir wêne bitikînin û lê binerin.

)))))))))))

Dest bavêjin OYAKê jî kaka!

Şîndar Berwarî-06/02/07-Dihok- Dibêjin Hikûmeta Kurdistana Federe dest avêtiye çete, diz û keleşan û operasyonek mezin li himberî wan çêkiriye. Di operasyonê de çend diz û çeqelên herêmî hatin girtin û li şûna wan rayedarên nû hatin destnîşanirin. Di operasyonê de çend kesên ku navê wan di çalakîyên çeteyên Tirk de derbas dibûn jiber sedema dizî, bertîlxwarin û karên xerab ji karên xwe hatin dûrxistin û li şûna wan xwedêgiravî kesên paqij hatin bicîhkirin.

   Li gora gotinên ser tenûran, dibêjin Qeymeqamê Zaxo jî ji karê xwe bûye û lotikek xwariye. Dibêjin di şûna wî de Hisên Çelkî bûye mîrê Zaxoyê. Wekî din dibêjin serokê şaredarîya Zaxoyê Şerîf Şerîf jî lotikek xwariye û di şûna wî de Meshîn Tahir Bosalî bûye mîrê belediyê. Li Dihokê jî dibêjin operasyonek lotikwarî di nava teşkîlata ewlekarîyê de hatiye kirin û hinek grûpên diz û çeqel hatine qewirandin.

    Werhasil, bila destê rayedarên hikûmeta Kurdistanê sax bin.Lê em meraq dikin, gelo ewê kengî dest bavêjin giregir û serokçeteyên di nava hikûmet û partîyan de jî? Dibêjin “Masî ji serê xwe gennî dibe”. Îcar li serê masî bigerin qurban! Haaaa, OYAKê jibîr nekin, ji xwe serê dek û dolaban ew in allahwekîl!

Komela Ehmedê Xanê av da bin Tirkan

Serdar Mirad-05/02/07-Amed-Xuyaye Komela Çandî û Hunerî ya Ehmedê Xanê bûye kelemê çavê dewleta virqo û wek marê reş jê ditirse. Ji roja ku vebûye û heta niha beramberî êrîşên dewletê dimîne û rayedarên wê raserî gef û zirtan tên.

   Dibêjin cîranên komelê yên Tirk her hefte serî li polîs dixin û qaşo dibêjin: „Yaw kardeşîm, ji sibê heta êvarî qîre qîra Ehmedê Xanê ye, geh Mem û Zînê dixwîne geh stran û qesîdan dixwîne. Me ji van Kurdperestan xelaskin babam!“ filan û fîstan. Dibêjin di operasyona vê dawîyê de 200 polîsên qûnek girtine ser komelê û serî li komelê gerandine. Werhasil, li gor gotinên gotinbêjan, dibêjin rayedarên komelê jî gotine:“Bi telaqê jinberdanê emê vê tirê ji Tirkan re nehêlin û karê xwe bi mêranî dewam bikin“.

   Neyse, Xwedê qiwetê bide birêvebirên Komela Çandî û Hunerî ya Ehmedê Xanê..

Ya suphanallah!

Ehmed Beyan-05/02/07-Enqere- Nizanim ne em fahmkor in ne jî xelk me dixe şûna zarokan? Berî çend rojan Mam Celal derket televizyonan û got: „Kurdistanek serbixwe xeyal e. Bila kes hewl nede bi xwezîyan bigihê baqê kezîyan“ filan û fîstan. Serok Barzanî jî rabû got: „Kî dibê Kurdistanek serbixwe xeyale kaka?“

   Niha jî Nûnerê YNK ê Enqerê Bahrûz Galalî radibe ji kovara Tempoyê re dibêje:“Her Kurdê ku li başûrê Kurdistanê dijî serxwebûnê dixwaze. Ez jî di nav de, em giş dewletek serbixwe dixwazin, kesê bêje na derewan dike. Em ji kesî jî natirsin, lê em biaqil in, siyasetmedarêln me zanin çi lotikan davêjin“ filan û bêvan.

   Halla hallaaaaaa ya suphanallah! Ê lawo madem hûn ji kesî natirsin, ev çi zirt û virta we ye qurban? Madem hûn tev serxwebûnê dixwazin û ji kesî natirsin, hema bi mêranî rabin bêjin: Lan Tirkoler! Îro başûr, sibê bakur, emê têxin we xiyar û ecûr, okey!“ û wan bitirsînin ma wê dinya xerabibe kaka? Yan bakur di hesabê we kakacanan de tuneye?

Holbrook 15 sal wext da

Şîndar Berwarî-05/02/07-Dihok- Dibêjin Rîchard Holbrookê Amerîkî di derbarê Kurdistanê de dîtinên balkêş anîne zimên û çend lotikên xweş avêtine derûdora xwe.

   Li gor gotinên ku xaltîka Eyşê li ser tenûrê bihîstine, dibêjin Holbrook gotiye: „Iraq bi darê zorê nayê îdarekirin. Tirk, Ereb û Ecem xwe biçirînin jî wê Kurdistan di nava 10-15 salan de serbixwe bibe, xelas! Halîhazir Kurdistana Federe rastîyek e. Heçê vê rastîyê înkar bike wê kor bibe û bi xwe de bimîze allahwekîl“ filan û bêvan.

   Werhasil, dengê te here Xwedê mîster Holbrook! Bi serê we Amerîkîyan, heger hûn carek din wek 1975an bêbextîyê li me nekin emê bighên mexsed û miradê xwe. Na heger hûn dîsa lotikên paşûpê li me xin ji xwe emê ber bavêjin û hûn sax!

Oxxxxxx, bi Xwedê te dilê me rehet kir!

Şîndar Berwarî-02/02/07-Dihok- Belê, Îcar dilê me rehet bû û bawerkin emê ji îro û pêde têr razên. Kesên ku dixwestin sirûda Ey Reqîb a Dildarê nemir jibo berjewendîyên xwe biguherin, lotikek bêîman ji Serok Barzanî xwarin û xwêsîya wan di qirika wan de ma. Serok Barzanî li ser leqleqên guhertina sirûda Ey Reqîb daxuyanîyek derxist û giran axivî.

    Serok Barzanî bala wan kesên ku dixwestin sirûdê biguherin û bêrîkên xwe tije dolar bikin kişand û got: ”Ev demeke tê behskirin ku xwedêgiravî divê sirûda Ey Reqîb bê guhertin. Ez tu sebeban jibo guhertina wê nabînim. Ew wek ala Kurdistanê bûye beşek ji kultur û dîroka gelê Kurdistanê û pîrozîyên me.Jiber vê mafê tu kesî nîne wê biguhere.  Ji niha û pê de kesên ku vê mijarê têxin rojevê divê ew bi xwe tehamulî berpirsîyarîya wê bikin û xwe li ber lotik û pehînan bigrin. Pêwiste Parlamentoya Kurdistanê vê sirûdê wek sirûdek netewî bike qanûn da ku kes nikaribe lotikan lêxe” û gellek gotinên xweştir.

    Wey Xwedê te ji ser serê milletê Kurd kêm neke rebbî! Nîhayet daxwaz û merama Lotikxanê pêk hat û xêrnexwaz biserneketin. Yaaaaaa! Ma wilo rehete çend sûtalên kolanan bi şerefa 50 milyon Kurd bilîzin, sirûd û ala wan biguherin babammm! Bi telaq ne ji Serok Barzanî be wê ew diz û çeqel Kurdistanê jî bifroşin, ma em nizanin wey!

Guînness bû mode bavo!

Nûroj Hebizbinî-02/02/07-Batman- Xuyaye wê ev pirtûka rekoran a bi navê Guînness serê gellek kesa bixwe. Erê kuro, heçê tirekê jî bike dixwaze têkeve pirtûkê û heta dinya hebe meşhûr bibe, yahewlelwela quwetullehilezîm!

   Ev tam sê salên rojnama Batmanê „Batman Gazetesî“ ku heman (eynî) xeberê diweşîne. Di 2004an de teqandinek li bazarekê de çêbibû û di encamê de 3 kes miribûn û 23 kes jî brîndar bibûn. Ji wê rojê û heta niha rojnama Batmanê heman nûçeyê diweşîne û li qesas û sedemkarên wê bûyerê digere.

   Îcar midurê karê nivîskarîyê Ercan Atay jî dibêje: „Serê me ji kevir hişktir e, yan hero yan mero. Jina min ji min berdayî be, heta ku sedema wê teqandinê dernekeve holê emê vê nûçeyê biweşînin. Me bi vê helwesta xwe rekor şikenandiye û emê serî li têketina pirtûka Guînnessê bixin“ filan û fîstan.

   Ê de têkevinê lawo têkevinê..Têkevin wê quzilqurta Guînnessê û binerin bê hûn têr pelûl naxwin..De bavê min de!

Rehma Xwedê lê be

Bengîn Elegez- 01/02/07- Dîroknas û Profesorê Kurd Dr.Şakirê Xudoyê Miho di 77 salîya xwe de li Moskowayê çû ser dilovanîya xwe. Bila serê malbat, dost û hogirên wî, serê gelê Kurd sax be. Şakirê Xudo xizmetek mezin jibo dîroka Kurd kir, gellek berhemên baş ji me û ji dîrokê re hiştin. Bila rehma Xwedê lê be, ciyê wî bihuşt be.

)))))))))))))))) 

Malê Tirkan jî boykot bikin qurban!

Azad Mêrdînî-01/02/07-Berlîn- Ji me derew, dibêjin Konseya Rêvebirîya KKK helwesta dewleta Alman ya li dijî Kurdan şermezar kiriye û ferman daye ku Kurd malê Almanyayê boykot bikin, nekirin û nexwin.

   Li ser bextê ANF be, dibêjin Konseyê di daxuyanîya xwe de gotiye:”Dewleta Alman ji sedsala 19an û bi vir ve piştgirîya dewletên serdest kiriye, dibe alîkarê polkîtîkayên koçberî û qirkirina Kurdan û li himber Kurdan polîtîkayek dijminane dimeşîne. Ji ber vê divê temamê Kurdan malê Almanyayê boykot bikin” filan û bêvan.

   Wey rojbaş hevalno! Ma hûn niha pê hisiyan ku Alman dijminatîya Kurdan dikin? Ma Hîtler nedigot ”Mamostê min Atatirk e?”. Me boykot fêhm kir, lê ger Kurd malên Alman boykot bikin, wê çi bixwin bavê min? Ma ku Kurdên Almanya mirîşkên ALDIyê nexwin sebra wan tê baba, wî! Bi telaq şîrketa ALDIyê li ser hesabê Kurdan dixebite û ji sedî 99ê mirîşkên ALDIyê Kurd dikirin.

   Haaaa, birastî hûn çima malê Tirkan jî boykot nakin? Yan Tirk ji Almanan çêtirin û dijminatîya Kurdan nakin? De hûn û dewleta Alman li hev...

Emê Selîm Sadak bikin Wezîrê Lihevanînê!

Gulîstan Bişêrî-31/01/07-Batman-Xuyaye parlamenterê berê, endamê DTP Selîm Sadak ji alî xelkê ve pir tê hezkirin. Niha hûnê bêjin çima? Ma ne çima? Hema pevçûn û lihevnekirinek li ku hebe, te nerî Selîmê me berê xwe da wir û xelk lihev anîn. Yanî, Selîmê me bûye qasidê navbera kes, malbat û eşîrên ku dijminatî û şerê hev dikin.

   Dibêjin hed û hesabê lihevhatinên ku bi destê Selîm Sadak pêkhatine nayên zanîn. Vê dawîyê dîsa Selîmê me ji Enqerê berê xwe da Batmanê û du malbatên ku li ser kujtina mirîşkan bûbûn dijminên hev lihev anîn.

   Selîm Sadak jî dibêje:”Erê ez li Enqerê dijîm, lê gava bûyerek li welatê me diqewime sebra min nayê û ez yekser berê xwe didim cîh û warê xwe da ku bûyerê çareser bikim. Gava erker aştîyê dikeve ser milê me ez nasekinim û têm” filan û bêvan. Em jî dibêjin:”Wey tu her bijî Selîm Sadak! Ma ji lihevhatina kes, malbat û eşîrên Kurd xweştir tiştekî din heye? Na! Lê xwezî we ev helwesta aştîyê tenê jibo Kurdan pêkbanîya û hew! Hûn piranîya wextê xwe didin aştîya navbera Kurd û Tirkoleran ku bi xwe xeyalek bêbinî ye”.

   Werhasil, bi serê te, wê rojê em û cîranekî xwe li ser dehşikekê bihevketin û me sê mêr ji hev kujtin. Cîranê me digot: “Çima dehşika we dizire û me aciz dike” û rabû me keleşkofên xwe li hev valakirin. Îcar ji kerema xwe were vê pirsgirêka dehşika me jî çareser bike em qurban, wîî!

Dek û dolabên dewleta Tirko

 Farûq Devliken-29/01/07- Mêrdîn-Niviskarên rojnameyên cûr be cûr bangkirin, “divê herkes li şûna Hrant Dînk amade bin!...” Ji bo reklama Tirkî fersendik wusa bi dest nakevi. Lê mixabin, xwestekên wan nehatin cîh. Dixwestin bi wêneyekî wisa çavên raya giştî girêbidin; lê qusûre bamya, hîrte hîrt, hewte hewt u zire zira we belasebeb çûûûû!… (Dewama nivîsê wêne bitikînin)

Lotikek ji Berhem Salih jî

Mihemed Soran-30/01/07-Silêmanî- Rayedarên Kurdekanên başûr yeko yeko lotikan li Serokwezîrê Tirko Kasimpaşali Receb dixin û tiran jê bedidin. Niha jî Cîhgirê Serokwezîrê Iraqê Berhem Salih lotikek li Erdogan û sîxurê wî yê li Bexdayê xist.

    Dibêjin Berhem Salih çûye bi guhê balyozê Tirkiyê Derya Kanbay girtiye, kişandiye oda xwe û jê re gotiye: ”Lan bênamûs, here bêje Recebo bila zêde lingê xwe dirêjî nav sînorê Iraqê neke. Yan na emê lingê wî jêkin û têxin ciyekî minasib ha, têgihiştî lan!”

   Dibêjin gava balyozê Tirk Derya Kanbay ev gotin bihîstine, xwêdan pê ketiye, bi xwe de mîztiye û hêkek ji hêka qazê mezintir kiriye allahwekîl! Werhasil, dibêjin gava Berhem Salih dîtiye ku wê rebeno ji tirsan re bimre, rabûye li ber dilê wî çûye, hatiye û gotiye: ”Lan ewladim, ev henek bû, ku te rastî bibihîsta tê çi bikira hêê?”

   Li ser bextê Saddam Hisên be, dibêjin balyozê Tirk Derya Kanbay buxçika xwe daye hev, li devê siwar bûye û nema zane bi ku de bazde.

Xwedê da keçel û gurîyan

Tacdîn Baran-29/01/07-Almanya- Belê, Xwedê da keçel û gurîyan. Dibêjin li Almanya pisporan dermanê porşînbûnê peyda kirine û êdî wê zilam ji porweşandinê netirsin. Derman çiye hûn zanin? Qehwe! Li gora lêkolîner û pisporên Zanîngeha Jenayê, kafeîna di nava qehwê de por xurttir dike û dihêle ku ji nû ve derkeve.

   Li gora lêkolîna wan, porê ku heşt rojan di nava kafeînê de hatiye hiştin dirêjtir bûye û hêvîyek mezin daye pisporan. De ser xêrê be rebbî...Por jiber “"dihidrotestosteron-DHT" a ku ji alî hormona testosteronê ve tê çêkirin, diweşe. DHT maddeyek kîmyewî ye û gava di xwînê de zêde dibe dibe sedema porweşandinê.

   Werhasil, îcar hinek pisporên Lotikxanê jî dibêjin ku, “Li gora ku textorên Kurmancî digotin, meriv serê xwe bide ber devê çêlekê û çêlek serê keçel balêse, dîsa por şîn dibe”. De li ser bextê xelkê û pisporan be. A baş dibêjin alastina çêlekê ji dermanan çêtire. Hem serê meriv duxrîne hem jî li meriv radike. De biryara xwe hûn bidin.